Matiyo 22:30 - Maktub gə́ To gə Kəmee

³⁰ Mbata ndɔ teḛ dɔkumbwa’g lə dəwje lé ndá diŋgamje d’a taa denéje el ləm, denéje d’a taa ŋgaw el ləm tɔ, nɛ dəwje lai d’a si asəna gə kuraje lə Ala lé gə́ dara ya.

Matiyo 22:30 ပူးပေါင်းရင်းမြစ်များ

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Matiyo 13:43

Ndəa neelé rɔ njémeekarabasurje a nduba raŋg-raŋg ɓeeko̰’g lə Bɔ deeje asəna gə kàr gə́ nduba rəa raŋg-raŋg bèe tɔ. Yeḛ gə́ mbia to gən mba koo ne ndá maji karee oo ne ya.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 22:31

Ta gə́ wɔji dɔ teḛ dɔkumbwa’g lə dəwje lé see seḭ turaje ta nee gə́ Ala ula sí mee maktub’g lé el wa. Mbata yeḛ pana:

Matiyo 24:38

Mbata mee ndəaje gə́ kédé ɓa mán bélm taa ne loo ɓəi lé dəwje d’usɔ gə d’ai ləm, diŋgamje gə denéje taa na̰ ləma, ŋgan deeje kara taa na̰ ləm tɔ saar Noe ḭ ne kág uru ne mee bato’g,

Lugu 17:27

Dəwje d’usɔ gə d’ai ləm, diŋgam gə denéje taa na̰ tɔɓəi d’ar ŋgan deeje kara taa na̰ ləm tɔ saar Noe ḭ kág uru mee kəi-kag’d ndá mán bélm ḭ unda dee ne naŋg rə̰dəŋ-rə̰dəŋ ar dee d’udu ne bo̰.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.