Matiyo 22:22 - Maktub gə́ To gə Kəmee

²² Ta gə́ yeḛ ula dee lé ar kaar dee wa dee paḭ-paḭ ndá d’ubá d’yá̰ d’ɔd gə́ kɔd yɔroŋ-yɔroŋ d’aw.

Matiyo 22:22 ပူးပေါင်းရင်းမြစ်များ

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Matiyo 22:33

Ta gə́ Jeju ndoo dee lé ɓar mḭ yaa̰ dum dɔ boo-dəwje neelé təs.

Matiyo 22:46

Dəw kára kara as teḛ təa ja̰ kila ta gə́ yeḛ dəji dee neelé el nja saar. Un kudee mee ndəa’g neelé dəw kára kara ila ɗigi kaaree’g dəjee ne ta el ŋga.

Matiyo 8:10

Loo gə́ Jeju oo tapea ndá kaaree wá paḭ aree ula deḛ gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl’g ya kara ma m’iŋga boo-meekun gə́ togə́bè kəm kára el ɓəi.

Mark 12:12

Deḛ saŋg rəw kwá mbata deḛ gər gao, ta gə́ Jeju pa lé wɔji dɔ dee-deḛ ya, nɛ deḛ ɓəl boo-dəwje gə́ d’aar keneŋ. Togə́bè deḛ d’ubá d’yá̰ d’ɔd d’aw.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Njé gə́ Kolosə 4:6

Arje tapa sí teḛ gə ndu gwɔs noji gə ndɔ sí ndɔ sí, dusuje kad gə́ rii dɔ’g tɔ, bèe ɓa seḭ a kooje loo kila nana kara ta gə́ kəm kilá keneŋ.