Matiyo 22:17 - Maktub gə́ To gə Kəmee

¹⁷ Ta gə́ to neelé maji kar i ula sí woḭ ya. See kuga lar-gədɓee gə Sesar lé see to né gə́ kəm ra əsé to né gə́ kəm ra el wa.

Matiyo 22:17 ပူးပေါင်းရင်းမြစ်များ

Esdras 4:13

Maji kar mbai gər gao, ɓó lé deḛ tel d’unda ɓee-boo lé gogo ləm, ɓó lé deḛ gɔl ndògo-bɔrɔje ləa gogo ləm tɔ ndá d’a kuga nékoga-dɔ-rɔ-dee el ləm, d’a kuga négədɓee el ləma, d’a kuga rəw mba dəs ne el ləm tɔ. Bèe ndá lar-gədɓeko̰ lə mbai lé a keḭ el.

Esdras 7:24

Jeḛ j’ula sí ta gə́ wɔji dɔ njékinjanéməsje lai ləm, gə Ləbije ləm, gə bao-paje ləm, gə njéŋgəm tarəwje ləm, gə njéra kula kəi-Ala’d gə́ raje ləma, gə kuraje gə́ mee kəi’g lə Ala lai neelé ləm tɔ, mba kar sí ooje to gə́ to kəm kar dee-deḛ neelé d’uga nékoga-dɔ-rɔ dee el ləm, gə négədɓee el ləma, d’a kuga rəw ɓa dəs’g el ləm tɔ.

Nehemi 5:4

Njé gə́ raŋg pana: Jeḛ n’wərje lar j’unda dɔ ndɔje’g lə sí ləm, gə dɔ ndɔ-nduúje’g lə sí ləm tɔ mba kuga ne nékoga dɔ rɔ gə́ wɔji dɔ mbai lé.

Nehemi 9:37

Dɔ naŋg lé ar némajije ləa ḭ dɔ maree’g gə́ kédé-kédé Ar mbaije gə́ i ar sí j’ulaje dɔ sí n’raje né j’ar dee lé Mbata kaiyaje lə sí ya, Deḛ d’o̰ dɔ darɔ sí ləm, Gə dɔ nékulje lə sí ləm tɔ To gə́ meḛ dee ndigi Ndá jeḛ ɓa j’isi dan boo-nékəmndoo’g ya.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Matiyo 17:25

Piɛrə ilá keneŋ pana: Oiyo, a kuga ya. Loo gə́ d’andə kəi ndá Jeju ɓar Piɛrə dəjee pana: Simo̰, see gə́ məəi’g banwa. See mbaije gə́ dɔ naŋg neelé see deḛ taa lar-gədɓee əsé né dɔ naŋgje ji na̰je wa. See taa ji ŋgan meḛ deeje əsé ji njékwagirlooje’g wa.

Matiyo 22:18

Jeju gər goso lə dee gao aree ila dee keneŋ pana: Seḭ njéhulaije, see ban ɓa seḭ sɔmje bèe wa.

Lugu 2:1

Mee ndəaje’g neelé Sesar Auguste un ndia mba kar dee tura dəwje lai-lai dɔ naŋg nee kunda ne ri dee mee maktub-tura-dəwje’g.

Lugu 20:22

See kar sí j’ugaje lar-gədɓee gə Sesar lé see to né gə́ kəm ra əsé to né gə́ kəm ra el wa.

Lugu 3:1

Mee ləb ko̰ɓee lə Tiber Sesar gə́ aḭ dɔg-giree-mi lé to mee ləb gə́ Po̰sə Pilatə to ne njeguburuɓee gə́ Jude ləm, Herɔdə to ne njeguburu dəb ɓee gə́ Galile ləm, ŋgokea̰ Pilibə kara to ne njeguburu dəb ɓee gə́ Ituree gə dɔ naŋg gə́ gugu dɔ Trakonitə ləma, Lisanias to ne njeguburu dəb ɓee gə́ Abilene ləm tɔ.

Néra Njékaḭkulaje 17:7

Deḛ lai ra né d’al ne ta ta godndu Sesar’g pana: Mbai gə́ raŋg gə́ ria lə Jeju sí keneŋ.

Néra Njékaḭkulaje 25:8

Pool un tapa gə mba taa ne dɔ rəa ndá yeḛ pana: M’ra né kára gə́ kəm kar taree wa ne dɔm el ɓó m’ra né m’orè ne godndu lə Jibje naŋg el ləm, m’ila ndɔl dɔ kəi-Ala’g el ləma, əsé gə dɔ Sesar’g el ləm tɔ.

Néra Njékaḭkulaje 28:22

Jeḛ lé ta gə́ i ə̰ji məəi’g lé ɓa jeḛ ndigi koo tai’g ya, mbata jeḛ n’gər gao, looje lai gə́ njékɔrkəm rɔ deeje neelé d’isi keneŋ ndá d’ɔs dee rəw-rəw ya.

Néra Njékaḭkulaje 5:37

Gée gə́ gogo ar Judas dəw gə́ Galile unda loo teḛ mee ndəa gə́ d’isi d’aw d’unda ne ri dəwje mee maktub’g lé ndá yeḛ kara ɔr koso-dəwje mbu ɔm dee gée’g aw sə dee tɔ. Yeḛ kara wəi tɔ ndá deḛ lai gə́ ndolè gée neelé d’aḭ sané ne na̰ kad-kad tɔ.