Matiyo 22:16 - Maktub gə́ To gə Kəmee

¹⁶ Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Matiyo 22:16 ပူးပေါင်းရင်းမြစ်များ

1 Mbaije 22:14

Mise tel ilá keneŋ pana: Njesigənea̰ to Njesikəmba! M’a pata né gə́ Njesigənea̰ a kulam ya ɓa.

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 5:9

Njesigənea̰, maji kari ɔr nɔm njoroŋ Gə goo rəw ləi gə́ danasur Mbata njéba̰je ləm d’isi gən. Maji kari ra kila rəw ləi nɔm’g Aree asəna rai-rai.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Gosota-Kəmkàrje 29:5

Dəw gə́ bɔr bèl maree lé Iya ne gum loo-tila-gɔlee’g

Malasi 2:6

Godndu gə́ ka̰ kankəmta ɓa to təa’g ləm, dəw oo ta gə́ kori-kori təa’g nda̰ el ləm tɔ. Yeḛ njaa səm na̰’d dan meelɔm’g ləm, gə dan néra gə́ danasur’g ləm tɔ. Yeḛ ar dəwje bula d’uba ne goo néra gə́ majelje lə dee d’ya̰.

Malasi 2:9

Bèe ndá ma lé m’a kar sí tel toje dəwje gə́ to kḛji ləm, gə dəwje gə́ əḭ el ləm tɔ kəm dəwje’g lai mbata seḭ njaaje gə goo rəwje ləm el ləm, loo gə́ seḭ tegje gin godndu lé ndá seḭ ɔrje ne kəm dəwje keneŋ ləm tɔ.

Matiyo 22:24

Mbai, Moyis ndaŋg ta nee ar sí pana: Ɓó lé dəw wəi ɓa lal ŋgon ndá maji kar ŋgoko̰ dəw neelé taa dené-nduba ləa oji ne ŋgon tor nojee’d gə mba kunda ne kó ŋgokea̰ lé.

Matiyo 22:26

Njekɔm gə́ joo neelé ra togə́bè ləm, njekɔm’g munda kara ra togə́bè ləm tɔ ar deḛ lai gə́ to dəwje siri ra togə́bè lal koji ne ŋgon nja lai.

Matiyo 26:18

Yeḛ ila dee keneŋ pana: Ɔd awje mee ɓee-boo’g kəi lə dəw kára bèe, ulaje pajena: Mbai pana: ndɔ neḛ nai dəb ba ŋga, kəi ləi ɓa neḛ gə njékwakila neḛje n’a raje Pag keneŋ.

Matiyo 26:49

Léegəneeya, yeḛ ree rɔ Jeju’g jəgm mba̰, yeḛ pana: Lapia boo, mbai!

Mark 10:17

To gə́ Jeju oso rəbə si aw ndá dəw kára aiŋgwɔd aw iŋgá rəm ɔs no̰ kəjee naŋg nea̰’g dəjee pana: Mbai gə́ maji, see ɗi ɓa m’a ra mba si ne gə kəmə gə́ gə no̰ lé wa.

Mark 12:13

Waga ndá d’ula Parisiḛje gə Herodiḛje gə́ na̰je rəa’g mba kar dee ndo̰ təa.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Mark 3:6

Loo gə́ Parisiḛje teḛ raga ndá deḛ gə njé’g lə Herɔdə d’ɔm meḛ dee na̰’d téréré d’o̰ njuma̰ Jeju saŋg loo mba tɔlee tɔ.

Mark 8:15

Jeju ndəji dee bər-bər pana: Aaje rɔ sí kər-kər mba kar né gə́ ar nduji ti gə́ ka̰ Parisiḛje gə ka̰ Herɔdə lé tibi mbɔr sí el.

Lugu 20:21

Dəwje neelé d’un ta dəji Jeju pana: Mbai, jeḛ n’gər gao tapai gə ta gə́ i ndoo dee lé to danasur ya, i ɔr kankəmta ya ndoo dee ne rəw lə Ala ɓó ɔr kəm dəw kára el.

Lugu 7:40

Jeju un ta ulá pana: Simo̰, m’a gə kulai ta kára kari oo. Simo̰ ilá keneŋ pana: Mbai, pa am m’oo ya.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.

Njé gə́ Galati 2:6

Deḛ gə́ to gə́ njékɔrno̰ deeje lé lé deḛ to gə́ ban-ban kédé lé ma m’ɔr ne kəm dee el: mbata Ala lé ɔr kəm dəw kára kara el tɔ, deḛ gə́ to gə́ njékɔrno̰ deeje lé kara d’ila ta kára gə́ raŋg dɔm’g gə mbəa el tɔ.

Tel tura Godndu 33:9

Ləbije pata lə bɔ deeje gə ko̰ deeje pana: Jeḛ j’oo deeje el! Deḛ d’ɔr kəm ŋgako̰ deeje ləm, Deḛ gər ŋgan deeje el ləm tɔ, Mbata deḛ lé d’aa dɔ taje ləi ləm, D’aa dɔ manrɔ ləi kər-kər ləm tɔ.

1 Njé gə́ Tesalonikə 2:4

Nɛ to gə́ Ala nja oo sí gə́ dəwje gə́ kəm kila mber Tagə́maji lé ɓa ɔm kula neelé ji sí’g ɓəi ndá jeḛ j’ɔr taree mba n’taa ne kəm Ala ya, yeḛ gə́ njenaa meekuru lə sí ɓó mba taa ne kəm dəwje ba el.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.