Matiyo 22:15 - Maktub gə́ To gə Kəmee

¹⁵ Yen ŋga Parisiḛje d’ula njuma̰ meḛ na̰’d gə mba kaw goso Jeju ɓó gə mba kiŋga ne ta gə́ gəd təa’g.

Matiyo 22:15 ပူးပေါင်းရင်းမြစ်များ

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 41:6

Njéba̰je ləm pata meeyèr d’wɔji ne dɔm pana: See ndɔ gə́ ra ɓa m’a kwəi ɓəi wa. Esé see ndɔ gə́ ra ɓa rim a kudu guduru ɓəi wa.

Pakɔsje 57:6

Ǝi Ala, maji kari riba dɔ boo ləi gə́ ur dɔ dara’g ləm, Ar rɔnduba ləi taa dɔ naŋg nee pəl-pəl ləm tɔ.

Pakɔsje 59:3

Ɔrm ji njéra némajelje’g lé ləm, Taam ji dəwje gə́ njékilaməs mar deeje’g lé ləm tɔ.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Matiyo 12:14

Parisiḛje teḛ ɗaga ndá deḛ d’wɔji na̰ ta saŋg ne rəw gə mba tɔlee.

1 Njé gə́ Kɔrḭtə 7:35

Ma m’ula sí ta neelé gə mba kaa ne dɔ sí ɓó mba kiya sí ne gum el. Ma m’ndigi kɔr sí kɔm sí dan né gə́ maji’g gə mba kar sí tia̰je rɔ Mbaidɔmbaije’g ɗigi-ɗigi ɓó kar né jɔg sí keneŋ el.

Ǝbrəje 12:3

La̰jije dɔ Jeju’g, yeḛ gə́ si dan njékaiyaje’g gə́ d’ɔsee ɓɔḭ-ɓɔḭ, togə́bè ɓa seḭ a daoje ne el ləm, meḛ sí a kila ne kas el ləm tɔ.