Matiyo 22:13 - Maktub gə́ To gə Kəmee

¹³ Yen ŋga mbai lé ula kuraje ləa pana: Wáje tɔje jia gə gɔlee ṵdáje iláje raga dan loondul gə́ ndul njudu-njudu’g loo gə́ d’a no̰ gə mán-no̰ kəm dee’g ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 22:13 ပူးပေါင်းရင်းမြစ်များ

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 37:12

Njemeeyèr lé wɔji-kwɔji ra majel gə njemeekarabasur lé ləm, Yeḛ sɔ ŋgaŋgee dəa’g pəgərə-pəgərə ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Loo gə́ killa rea kəm Daniel’g 3:20

Tɔɓəi yeḛ un ndia ar njérɔje ləa gə́ na̰je gə́ siŋga dee to kɔgərɔ-kɔgərɔ ur dɔ njérɔ mar deeje’g gə mba kar dee d’wa Sadrak gə Mesak gə Abed-Nego tɔ dee ləm, kar dee d’ɔm dee mee bwa pər gə́ o̰ bilim-bilim’g ləm tɔ.

Matiyo 12:29

Esé ɓó lé dəw a tɔ njesiŋgamoŋ gə kúla njim-njim el ndá see a kandə kuru mee kəi’g ləa gə mba ɓogo néje ləa to gə́ banwa. A teá kédé ɓa a tɔ kée ɓəi.

Matiyo 13:30

Ya̰je ar deeje tɔg na̰’d saar ndɔ kinja kó lé ndá ma nja m’a kula njékinjakoje pana: Tɔrje haowa tɔje gə dəa-dəa oreeje dɔ na̰’d més-més mba kula pər keneŋ, nɛ mbo̰je kó gə́ maji ɔmje dàmá ləm ya.

Matiyo 13:42

D’a kɔm dee dan pər gə́ kṵjee teḛ gi-gi’g, to loo gə́ d’a no̰ kar mán kəm dee wa dee jiim-jiim keneŋ ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 13:50

D’a kɔm njémeeyèrje dan pər gə́ kṵjee teḛ bilim-bilim ləm, d’a no̰ kar mán kəm dee wa dee jiim-jiim ləma, d’a sɔ ŋgaŋ dee keneŋ pəgərə-pəgərə ləm tɔ.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Matiyo 25:30

Kura gə́ njekɔg loo né teḛkɔr lé wáje iláje raga dan loo gə́ ndul njudu-njudu’g, lé neelé d’a no̰ gə mán-no̰ kəm dee’g ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Lugu 13:28

Lée neelé a to loo no̰ gə mán-no̰ kəm’g ləm, gə loo sɔ ŋgaŋ pəgərə-pəgərə ləm tɔ loo gə́ seḭ a kooje Abrakam gə Isaak gə Jakob gə njéteggintaje lai mee ɓeeko̰’g lə Ala lé ya nɛ seḭje lé d’a kɔm sí gir loo’g raga tɔ.

Tagə́maji gə́ Ja̰ ndang 21:18

Ma m’ulai təsərə, loo gə́ i nai basa ɓəi lé i wa dɔ kubu ləi gə ndar aw ne loo to gə́ məəi ndigi. Nɛ loo gə́ i a ɓuga mba̰ ndá i a tura jii par ndá dəw gə́ raŋg ɓa a kwa ndar dɔ kubu ləi tɔ ndá a kɔd kundai kaw səi loo gə́ məəi ndigi’g el ŋga.

Néra Njékaḭkulaje 21:11

Yeḛ ree rɔ sí’g ndá un ndar lə Pool tɔ ne gɔlee gə jia-yeḛ ya ɓa tel pana: Aa ooje, ta gə́ Ndilmeenda riba dəa lé ɓa nee: Dəw gə́ njendar neelé Jibje d’a teá ne togə́bè Jerusalem’g ɓó gə kulá ne ji njépole-magəje’g ya.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.

2 Piɛrə 2:17

Dəwje neelé to d’asəna gə kəm-rəw-mán gə́ mán yi keneŋ tə ləm, deḛ to gə́ ndi gə́ lel-boo ɔree aree unda dɔ ləm tɔ, duu-loo gə́ ndul njudu-njudu lé to wɔji dɔ dee-deḛ ya.

2 Piɛrə 2:4

Mbata ɓó lé kuraje gə́ dara gə́ ra kaiya lé Ala ɔm dee’g el, nɛ yeḛ wa dee ɓugu dee mee bwa-wəl gə́ ndul ndiŋ-ndiŋ gə́ suna godo’g ŋgina ne ndɔ gaŋg rəwta gə́ d’a gə gaŋg dɔ dee’g lé,

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.

Jude 1:6

Tɔɓəi kuraje gə́ dara gə́ d’ar néra dee wa bua kula lə dee el nɛ d’uba loo-si dee d’ya̰ lé yeḛ unda dee kul ŋgina ne ndɔ gaŋg rəwta gə́ to ndɔ gə́ boo gə́ yeḛ a tɔ dee gə kúla lar jo̰dɔrɔ kɔm dee dan loo gə́ ndul njudu-njudu’g gə no̰ lé tɔ.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.