Matiyo 22:12 - Maktub gə́ To gə Kəmee

¹² Mbai lé dəjee pana: Kuramarm, see ban ɓa aw gə́ loo-naḭ’g nee ndá lal kula kubu-naḭ rɔi’g wa. Diŋgam neelé ta igee sel aree si jim.

Matiyo 22:12 ပူးပေါင်းရင်းမြစ်များ

Maktub gə́ wɔji dɔ Jɔb 5:16

Yeḛ ar meekundayel gəd njénékəmndooje ləm, Yeḛ ar ta njéra né kori-korije udu rub ləm tɔ.

Pakɔsje 107:42

Dəwje gə́ njéra nédanaje lé D’oo ndá d’al ne rɔ dee Nɛ néra gə́ kori-kori ɔg dəw loo pata.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 2:26

To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Matiyo 20:13

Yeḛ tel ula dəw kára gə́ mbuna dee’g pana: Kuramarm, ma lé m’buguri gə́ buguru el, see jeḛ səi j’wɔji na̰ laree kédé am m’pana: M’a kari ŋgon larnda kára ba ya el wa.

Matiyo 26:50

Tɔɓəi yeḛ ɔd il ɓɔlee. Jeju dəjee pana: Kuramarm, see né gə́ a gə ra lé ya ɓa ra nen wa.

Matiyo 5:20

Ma m’ula sí təsərə, ɓó lé meekarabasur lə sí a kunda ka̰ njéndaji-maktubje gə ka̰ Parisiḛje el ndá seḭ a kulaje dɔ sí ɓeeko̰ gə́ dara lé wɔr el.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

Titə 3:11

mbata i gər gao, dəw gə́ togə́bè lé to dəw gə́ ndəm rəw ləm, ta kaiya gə́ yeḛ ra lé nja tegginee ɔm dəa’g ləm tɔ.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.