Matiyo 21:5 - Maktub gə́ To gə Kəmee

⁵ Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

Matiyo 21:5 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 16:2

Mbai dəji Siba pana: See ɗi ɓa i ndigi ra gə néje neelé wa. Siba tel ilá keneŋ pana: Mulayḛ̀je lé to mbata njémeekəije lə mbai ləm, pil muru gə kandə kagje gə́ naḭkuli to mba kar basaje d’usɔ ləma, mán-nduú to mba tɔl ne kunda lə dee gə́ d’a gə dao dɔdilaloo’g ləm tɔ.

1 Mbaije 1:33

Bèe ɓa mbai lé ula dee pana: Arje kuraje lə ɓée síje d’aw sə sí ləm, arje ŋgonəm Salomo̰ uba ko̰ kunda-mulayḛ̀je ləm ləm tɔ ndá awje səa Giho̰ tɔ.

1 Mbaije 10:26

Salomo̰ mbo̰ pusu-rɔje ləm, gə njérɔ gə kundaje ləm tɔ, pusu-rɔje d’as tɔl-dɔg gə dəa tɔl-sɔ (1.400) ləm, njérɔ gə kundaje d’as tɔl-dɔg-loo dɔ-giree-joo (12.000) ləm tɔ, yeḛ unda dee mee ɓee-booje’g loo gə́ pusu-rɔje ləa to keneŋ ləm, gə Jerusalem mbɔr mbai’g ləm tɔ.

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Ejekel 34:24

Neḛ Njesigənea̰ lé n’a to Ala lə dee ndá kura lə neḛ Dabid ɓa a to mbai mbuna dee’g. Neḛ Njesigənea̰ ya m’pata nee.

Ejekel 37:24

Kura lə neḛ Dabid a to mbai lə dee ndá deḛ lai lé njekul dee a to gə́ kára ba. D’a ndolè goo ndukunje lə neḛ ləm, d’a kaa dɔ godnduje lə neḛ kər-kər ləma, d’a ra née ləm tɔ.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Bula lə Israɛlje 24:19

Yeḛ gə́ ḭ rɔ Jakob’g lé o̰ ɓee si ne gə́ mbai ləm, Yeḛ tuji ges dəwje gə́ nai mee ɓee-booje’g lə dee pugudu-pugudu ləm tɔ.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Matiyo 2:6

I Betlehem dɔ naŋg lə Juda lé Ɓee-booje gə́ to ɓeeko̰ gə́ Juda lé d’ur dɔi’g el, Mbata mbai gə́ a kul dəwje ləm gə Israɛl lé a kḭ keneŋ.

Matiyo 21:6

Njekwakila Jeju-je d’ḭ d’aw ra to gə́ Jeju un ndia ar dee lé.

Lugu 24:27

Tɔɓəi un ginee ɓee lə Moyis gə ɓee lə njéteggintaje lai lé yeḛ ɔr sə dee gintaje lai gə́ to mee maktub gə́ to gə kəmee gə́ pata wɔji ne dəa-yeḛ lé ar dee ya.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Njéga̰g-Rəwtaje 12:14

Yeḛ aw gə ŋganje gə́ diŋgam rɔ-sɔ ləm, gə ŋgakeaje rɔ-munda ləm tɔ, deḛ lé t’uba ŋgan mulayḛ̀je-je rɔ-siri. Abdon lé to njegaŋ-rəwta dɔ Israɛlje’g as ləbee jinaijoo.

Njéga̰g-Rəwtaje 5:10

Seḭ gə́ ubaje ko̰-mulayḛ̀je-je gə́ ndá ləm, Gə seḭ gə́ nésije lə sí to kubuje gə́ lab naŋg ləma, Gə seḭ gə́ njaaje dan rəw’g ləm tɔ lé Ɔsje pa.