Matiyo 21:44 - Maktub gə́ To gə Kəmee

⁴⁴ Nana ɓa gə́ a koso dɔ mbal’g neelé ndá a təd rəa keneŋ njigi-njigi ya, nɛ dəw gə́ rara ɓa mbal neelé a koso dəa’g ndá a rədee naŋg mbə̰ji-mbə̰ji ya tɔ.

Matiyo 21:44 ပူးပေါင်းရင်းမြစ်များ

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Esai 60:12

Mbata ginkoji dəwje gə́ rara gə ɓeeko̰ gə́ rara gə́ a ra né kari el ndá a tuji ləm, ginkoji dəwje gə raŋg neelé d’a tuji dee pugudu-pugudu kar dee godo ləm tɔ.

Jakari 12:3

Mee ndəa’g neelé n’a kar Jerusalem to asəna gə biri mbal gə́ wɔi yaa̰ mbata lə koso-dəwje lai. Deḛ lai gə́ ndigi karee ḭta gogo lé d’a kiŋga doo keneŋ ndá ginkoji dəwje gə raŋg lai gə́ dɔ naŋg nee d’a kɔm na̰’d mba rɔ səa.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Matiyo 21:45

Loo gə́ mbai dɔ njékinjanéməsje-je gə Parisiḛje d’oo gosotaje neelé ndá deḛ gər gao to gə́ yeḛ pata neelé wɔji ne dɔ dee-deḛ ya.

Matiyo 26:24

Ŋgon-dəw lé a kɔd kuru kaw to gə́ deḛ ndaŋg ne taree mee maktub’g d’wɔji ne dəa lé ya. Nɛ meeko̰ a nai dɔ dəw gə́ njekun dɔ Ŋgon-dəw’g lé. Dəw neelé d’ojee el kara maji ya.

Matiyo 27:25

Boo-dəwje lai lé d’ilá keneŋ pana: Maji kar məsee lé ɔm sí’g gə dɔ ŋgan meḛ síjeḛ’g lai ya tɔ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 20:18

Nana ɓa gə́ a koso dɔ pil mbal’g neelé ndá a təd njigi-njigi, nɛ dəw gə́ rara ɓa gə́ pil mbal neelé oso dəa’g ndá a rədee naŋg mbə̰ji-mbə̰ji ya.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.

Njé gə́ Rɔmə 9:33

to gə́ maktub gə́ to gə kəmee pa lé: Aa ooje, m’unda pil mbal mee ɓee gə́ Sio̰, To mbal gə́ a tuga gɔl dee kar dee d’oso ne Ndá yeḛ gə́ ɔm mée dəa’g ndá rɔkul a dəb dəa’g el.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.