Matiyo 21:38 - Maktub gə́ To gə Kəmee

³⁸ Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Matiyo 21:38 ပူးပေါင်းရင်းမြစ်များ

2 Samel 14:7

Tɔɓəi aa oo, njénojije ləm lai d’ḭ d’oma̰ gə kura ləi gə́ dené pana: Maji kam m’ya̰ njetɔl ŋgokea̰ lé m’ar neḛje. Neḛ ndigi tɔleeje mbata lə ŋgokea̰ gə́ yeḛ tɔlee lé tɔ, neḛ ndigi tujije njenénduba ya. Yee ɓa d’a gə ra mba tɔl kɔr pər ləm gə́ nai ləm, deḛ ndigi kar ri ŋgabmje əsé ri ŋgon məəm godo dɔ naŋg nee ləm tɔ.

1 Mbaije 1:12

Ɓasinè, gə́ ree, m’a kwɔjii ta kəmkàr kari aji ne rɔi ləm, gə aji ne ŋgoni Salomo̰ ləm tɔ.

Matiyo 21:34

Loo gə́ naḭ ra kandə nduú lé nai dəb ndá yeḛ ula kuraje ləa rɔ njéndɔ-nduúje’g lé gə mba kar dee tḭja ka̰dee d’aree.

Matiyo 21:37

Togə́bè yeḛ tel ula ŋgon mée ya pana: Ŋgon neḛ ɓa yḛ̀, d’a ɓəl kəmee mbata yeḛ to ŋgon mee neḛ ya.

Matiyo 21:39

Yen ŋga d’ubá d’wá ndɔree jol-jol d’aw səa ŋgaŋloo ndɔ-nduú’g lé tuga keneŋ jag-jag tɔlee.

Lugu 20:14

Nɛ loo gə́ njéndɔ-nduúje lé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ŋga si aw gə́ nee aw’n. Ar sí n’tɔleeje j’ya̰je loo n’taaje ne nénduba ləa ŋga.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.