Matiyo 21:37 - Maktub gə́ To gə Kəmee

³⁷ Togə́bè yeḛ tel ula ŋgon mée ya pana: Ŋgon neḛ ɓa yḛ̀, d’a ɓəl kəmee mbata yeḛ to ŋgon mee neḛ ya.

Matiyo 21:37 ပူးပေါင်းရင်းမြစ်များ

Esai 5:4

See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Matiyo 21:36

Yeḛ tel ula kuraje ləa bula unda njé gə́ kédé nɛ njéndɔ-nduúje lé ra sə dee né to gə́ ra gə njé gə́ kédé lé ya tɔɓəi.

Matiyo 21:38

Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Mark 12:6

Ŋgonee gə́ yeḛ undá dan kəmee’g ya ŋga nai, yeḛ ulá rɔ dee’g gə́ rudee. Yeḛ ə̰ji mée’g pana: D’a ɓəl kəm ŋgon mee neḛ.

Lugu 20:13

Mbai gə́ njendɔ-nduú lé pana: See m’a ra banwa. Ŋgon məəm gə́ m’ndigee m’undá dan kəm’g lé ya m’a kulá rɔ dee’g, banelə d’a ɓəl kəmee ya.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 1:34

Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.