Matiyo 21:22 - Maktub gə́ To gə Kəmee

²² Né gə́ rara ɓa seḭ a dəjije gə meekun gə ndukwɔi lə sí ndá kara seḭ a kiŋgaje née ya.

Matiyo 21:22 ပူးပေါင်းရင်းမြစ်များ

Matiyo 18:19

Ma m’ula sí tɔɓəi, ɓó lé dəwje joo mbuna sí’g d’ɔm meḛ dee na̰’d sad mba dəji Ala né gə́ ban-ban kara Bɔm gə́ si dara a kar dee ya.

Matiyo 7:11

Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

Matiyo 7:7

Kwɔi deeje né ndá d’a kar sí ɓəi, saŋgje né ndá a kɔsje dɔ sí keneŋ ɓəi, undaje tabidi rəw-kəi ndá d’a kɔr kar sí ɓəi tɔ.

Mark 11:24

Gelee gə́ nee ɓa ma m’ula sí, loo gə́ seḭ raje tamaji ndá né lai gə́ seḭ kwɔije lé ɔmje meḛ sí dɔ’g to gə́ seḭ toje njékiŋgaje mba̰ ndá a kooje née lé gə kəm sí ya tɔ.

Tagə́maji gə́ Ja̰ ndang 14:13

Né gə́ rara gə́ seḭ a kwɔiyeeje gə rim ndá m’a ra née ya mba kar Bɔ-dəwje lé iŋga ne rɔnduba rɔ Ŋgon’g.

Tagə́maji gə́ Ja̰ ndang 15:7

Ɓó lé seḭ namje kaarm’g ləm, ar ta ləm nai meḛ sí’g ləm tɔ ndá né gə́ rara ɓa gə́ seḭ a kwɔije lé d’a kar sí ya.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

1 Ja̰ 3:22

Né gə́ rara ɓa gə́ jeḛ dəjee kara jeḛ n’taa jia’g ya mbata jeḛ j’aa dɔ godndia kər-kər ləm, jeḛ n’ra né gə́ taa kəmee rəgm ləm tɔ.