Matiyo 21:19 - Maktub gə́ To gə Kəmee

¹⁹ Jeju aa loo oo kodé dɔ ji rəw gə́ wala bèe. Yeḛ aw pər gə́ keneŋ ndá kamee ɓa yeḛ oo. Yen ɓa yeḛ pana: I a kandə gogo el nja saar gə no̰. Léegəneeya kodé lé wəi wuu, tudu kurum.

Matiyo 21:19 ပူးပေါင်းရင်းမြစ်များ

Esai 5:2

Yeḛ tel gel naŋg ləm, Yeḛ tɔr kɔr mbalje ləma, Yeḛ ma̰a kag-nduú gə́ ka̰dee lel keneŋ ləm tɔ. Yeḛ la pala mee ndɔ’g ləm, Yeḛ ur bwa gə́ ka̰ mbula mán-nduú keneŋ ləm tɔ. Tɔɓəi mée to yel dɔ kiŋga kandə nduú gə́ maji’g Nɛ nduú lé andə gə ka̰dee gə́ majel.

Jeremi 8:13

Ma m’ndigi kar dee d’udu guduru, Njesigənea̰ ɓa pa bèe. Kandə nduú a godo rɔ nduú’g ləm, Kandə kodé a godo rɔ kodé’g ləma, Kam dee a ndòlé ləm tɔ, Néje lai gə́ ma m’ar dee kédé lé D’a sané pá rɔ dee’g.

Matiyo 21:20

Loo gə́ njékwakiláje d’aa loo d’oo bèe ndá kaar dee wa dee paḭ ar dee pana: See gelee ban ɓa kodé gə́ aar neelé wəi tar wuu gə́ léegəneeya bèe wa.

Mark 11:14

Yen ŋga, yeḛ un ta pa gə kodé lé pana: Maji kar dəw kára kara sɔ ka̰di gogo pai godo. Njékwakiláje d’oo ta gə́ yeḛ pa lé tɔ.

Mark 11:20

Bèlè gə ndɔ, loo gə́ deḛ gə njékwakiláje dəs ndá d’oo kodé lé ndòlé njal ɔr ŋgira’g naŋg njɔd.

Lugu 3:9

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Jude 1:12

Dəwje neelé rɔ dee tila ɓal mbuna sí’g loo-nésɔ-noji’g lə sí ləm, né gə́ rii ta’g ɓa deḛ d’ə̰ji gée gə mba mbula meḛ dee’g ləm tɔ. Deḛ to ndi gə́ lel biree aree unda-dɔ ləm, deḛ to kagje gə́ rɔ dee ndòlé naḭ kàrá gə́ kandə dee godo keneŋ gə́ d’wəi gɔl joo ɓa lel ɔr dee gə ŋgira dee bura moŋgoŋgo̰ ila dee naŋg ɓəi ləm tɔ.

Loo gə́ killa rea kəm Ja̰’g 22:11

Dəw gə́ nérea to kori-kori ndá maji kar nérea to kori-kori ɓəi. Dəw gə́ nérea to né gə́ mina̰ ndá maji kar nérea to né gə́ mina̰ ya ɓəi tɔ. Dəw gə́ njemeekarabasur lé maji kar nérea to gə dɔ najee ɓəi ləm, dəw gə́ njemeenda lé maji karee unda rəa gə kəmee ya ɓəi ləm tɔ.