Matiyo 20:8 - Maktub gə́ To gə Kəmee

⁸ Loo gə́ kàr andə mba̰ ndá njendɔ-nduú lé ɓar njekaa dɔ néje ləa ulá pana: Ɓar njékulaje lé ɓó gə uga dee, un kudee dɔ deḛ gə́ ree gogo’g lé ɓa teḛ ne dɔ deḛ gə́ ree kédé’g ɓəi.

Matiyo 20:8 ပူးပေါင်းရင်းမြစ်များ

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

Gḭ-Néje 43:19

Deḛ rəm wɔr gə́ rɔ njekaa dɔ kəi’g lə Jisəb ndá d’un ta d’ulá takəi’g lé.

Ləbije 19:13

Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ.

Matiyo 20:7

Deḛ tel d’ilá keneŋ pana: Dəw kára kara ɓar sí gə mba kula sí el. Yeḛ ula dee pana: Bèe ndá seḭje kara ɔd awje loo-ndɔ-nduú’g ləm tɔ.

Matiyo 20:9

Deḛ gə́ ree loo gə́ kàr aar dɔ kam’g ler lé d’iŋga ŋgon larnda kára-kára ya.

Matiyo 25:19

Kuree əw yaa̰ mba̰ ndá mbai lé tel ree un kudu tura sə dee goo lar ləa lé ŋga.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Lugu 10:7

Maji kar sí sije mee kəi’g neelé nja sɔje gə́ aije né gə́ d’a kar sí keneŋ lé tɔ, mbata njekula lé askəm kiŋga nékoga-dɔ-jia ya.

Lugu 12:42

Mbaidɔmbaije ilá keneŋ pana: See na̰ ɓa gə́ kura gə́ to majikoji gə́ inja paw gə́ mbai ləa aree si gə́ njekaa dɔ kuraje’g ləa gə́ raŋg gə mba kai dee nésɔ dee gə lée-lée lé wa.

Lugu 8:3

gə Jan dené lə Suja gə́ njekaa dɔ kəi lə Herɔdə ləm, gə Sujan ləma, gə njé gə́ raŋg gə́ d’aw la sə dee gə nékiŋgaje lə dee ləm tɔ.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

Tel tura Godndu 24:15

Seḭ a kaareeje nékoga-dɔ-jia mee ndəa’g ya ɓa kar kàr ur naŋg ɓəi, mbata yeḛ to njendoo ndá mal kiŋga lar lé rəa ŋgwɔd-ŋgwɔd. Ɓó lé bèe el ndá yeḛ a no̰ rɔ Njesigənea̰’g kwɔji ne dɔ sí ndá seḭ a karje ta kaiya wa dɔ sí tɔ.

Titə 1:7

Mbata kisi gə́ dəw gə́ njegelgodo ɓa gə́ kuma̰ karee to ne njekaa dɔ kula lə Ala lé. Maji karee to njekəsta el ləm, əsé njera oŋg kalaŋ el ləm, əsé a to ɓər lə kido el ləm, əsé a ra né kərm-kərm el ləma, əsé a to njeko̰laolar el ləm tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 4:10

Nana ɓa gə́ Ala aree nénoji lé ndá maji karee ar mareeje mbo̰ səa na̰ dɔ’g. Togə́bè ɓa seḭ a toje ne kankəm njékaa dɔ nénojije lə Ala gə́ ɓəd-ɓəd lé ya.

Rudu 2:6

Kura gə́ njekaa dɔ njékinjakoje lé ilá keneŋ pana: To ŋgoma̰də gə́ Moab, yeḛ gə́ ḭ gə Naomi mee ɓee gə́ Moab ɓa ree səa na̰’d lé ya.