Matiyo 20:6 - Maktub gə́ To gə Kəmee

⁶ Loo gə́ kàr aar dɔ kam’g ler ndá yeḛ unda loo teḛ iŋga dəwje gə́ d’aar loo-nada dəji dee pana: See ban ɓa aarje loo gə́ nee’g gə ndɔ ba saar lal raje kula wa.

Matiyo 20:6 ပူးပေါင်းရင်းမြစ်များ

Gosota-Kəmkàrje 19:15

Rɔkas ar dəw oso gə ɓi pərəg ləm, Kul kwɔji-kwɔji lə dəw ɓa ɓó ula ne kəmee ndòo ləm tɔ.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Matiyo 20:5

Deḛ d’ɔd d’aw keneŋ ya tɔ. Loo gə́ kàr aar daŋdɔ ndá yeḛ unda loo teḛ tɔɓəi, loo gə́ kàr tel rəa gə mbɔree lé kara yeḛ teḛ iŋga dəwje ula dee loo-ndɔ’g ləa to gə́ kédé lé tɔ.

Matiyo 20:7

Deḛ tel d’ilá keneŋ pana: Dəw kára kara ɓar sí gə mba kula sí el. Yeḛ ula dee pana: Bèe ndá seḭje kara ɔd awje loo-ndɔ-nduú’g ləm tɔ.

Matiyo 20:9

Deḛ gə́ ree loo gə́ kàr aar dɔ kam’g ler lé d’iŋga ŋgon larnda kára-kára ya.

Tagə́maji gə́ Ja̰ ndang 9:4

Lé riri kara maji karm m’ra néje lə yeḛ gə́ njekulam lé gə goo kàr, mbata loo a gə ndul ndá dəw kára kara a koo loo ra kula el ŋga.

Néra Njékaḭkulaje 17:21

(Njé gə́ Aten lai gə dəwje gə́ d’ḭ dɔ ɓeeje gə́ raŋg gə́ d’isi keneŋ lé ta gə́ kwɔji ləm, gə ta gə́ koo ləm tɔ ɓa gə́ néra dee ɓó né gə́ raŋg gə́ néra dee el.)

Ǝbrəje 6:12

Bèe ɓa seḭ a kya̰je gée yɔgɔ el ləm, seḭ a ndajije kəm deḛ gə́ mbɔl dɔ meekun gə meekai sam-sam ɓa taa ne né gə́ ndukun ɓa wɔji gə mba kar dee lé ləm tɔ.