Matiyo 20:5 - Maktub gə́ To gə Kəmee

⁵ Deḛ d’ɔd d’aw keneŋ ya tɔ. Loo gə́ kàr aar daŋdɔ ndá yeḛ unda loo teḛ tɔɓəi, loo gə́ kàr tel rəa gə mbɔree lé kara yeḛ teḛ iŋga dəwje ula dee loo-ndɔ’g ləa to gə́ kédé lé tɔ.

Matiyo 20:5 ပူးပေါင်းရင်းမြစ်များ

Matiyo 20:4

Yeḛ ula dee pana: Seḭje kara ɔd awje loo-ndɔ-nduú’g ləm ndá m’a kuga sí gə né gə́ kəm kuga sí ne gə goo rəbee ya.

Matiyo 20:6

Loo gə́ kàr aar dɔ kam’g ler ndá yeḛ unda loo teḛ iŋga dəwje gə́ d’aar loo-nada dəji dee pana: See ban ɓa aarje loo gə́ nee’g gə ndɔ ba saar lal raje kula wa.

Matiyo 27:45

Kàr aar daŋdɔ ya ndá loondul bigim dɔ naŋg nee gə loo lai saar kàr tel rəa gə mbɔree.

Tagə́maji gə́ Ja̰ ndang 1:39

Yeḛ ula dee pana: Gə́ reeje ndá seḭ a kooje ɓəi. Deḛ d’aw d’oo loo-siée ndá nai səa keneŋ mbata ndəa neelé kàr aar dɔ kam’g ler.

Tagə́maji gə́ Ja̰ ndang 11:9

Jeju tel ila dee keneŋ pana: See mee ndɔ gə́ kára lé a kaḭ ŋgan kàr dɔg-giree-joo el wa. Dəw gə́ rara ɓa lé njaa dan kàr-boo’g ndá né a kun gɔlee karee lam rəa el mbata yeḛ oo lookàr lə naŋg nee njai-njai ya.

Tagə́maji gə́ Ja̰ ndang 4:6

Bwa-mán lə Jakob to keneŋ. Jeju dao yaa̰ mbata rəw əbee ndá yeḛ si dɔ mbal gə́ d’unda gugu ne ta bwa-mán. Kàr ar daŋdɔ.

Néra Njékaḭkulaje 10:3

Ndɔ kára bèe loo gə́ kàr tel rəa gə mbɔree ndá né rəa gə́ mḭdi aree oo kura lə Ala gə́ dara pai-pai gə́ andə kəi ləa ɓaree pana: Kɔrnəi!

Néra Njékaḭkulaje 10:9

Bèlè lookàree loo gə́ d’isi d’aw rəbee ɓəi ar dee d’unda dɔ ɓee dəb ndá Piɛrə al dɔ kəi gə́ tar gə mba ra tamaji loo gə́ kàr aar daŋdɔ bèe.

Néra Njékaḭkulaje 3:1

Piɛrə gə Ja̰ d’isi d’aw na̰’d mee kəi-Ala’g, to kàr ra tamaji gə́ kàr tel rəa gə mbɔree lé.