Matiyo 20:34 - Maktub gə́ To gə Kəmee

³⁴ Yen ŋga mee Jeju tɔsee gə no̰ mbigi-mbigi aree ila jia kəm dee’g ndá léegəneeya, kəm dee inja bərəŋ ar dee d’oo ne loo ɓa d’ɔm na̰ gée’g d’aw ɓəi.

Matiyo 20:34 ပူးပေါင်းရင်းမြစ်များ

Pakɔsje 119:67

Loo gə́ d’am m’oso kul el ɓəi ndá M’ndəm rəw ya, Nɛ ɓasinè lé m’orè kəm sḭ dɔ ta’g ləi.

Pakɔsje 119:71

Kula gə́ d’ula kəm ndòo lé tel to maji dɔm’g Gə mba karm m’ndoo ne godnduije ya.

Pakɔsje 145:8

Njesigənea̰ lé to njemeekɔrjol ləm, Gə njemeekaw taḭ-taḭ ləm tɔ, Oŋg ḭ səa kalaŋ el ləm, Meemaji ɓa yeḛ to babee ləm tɔ.

Matiyo 14:14

Loo gə́ yeḛ ḭ mee to’g al uru naŋg ndá yeḛ oo boo-dəwje d’aar digi-digi. Yeḛ oo kəmtondoo lə dee ndá ɔr ne rɔko̰ rɔ njérɔko̰je’g.

Matiyo 15:32

Jeju ɓar njékwakiláje ula dee pana: Meem tɔsəm gə no̰ mbigi-mbigi mbata lə boo-dəwje neelé. Mbata as ndɔ munda d’ya̰’m d’aw raŋg el nja saar ndá nésɔ dee godo ŋga. Ma m’ndigi kya̰ dee kar dee d’aw meḛ dee ɓoo el nà d’a guru rəbə.

Matiyo 20:33

Deḛ tel d’ilá keneŋ pana: Mbaidɔmbaije, maji kari ar kəm sí inja bərəŋ ya.

Matiyo 21:1

Loo gə́ deḛ d’unda dɔ Jerusalem dəb ndá deḛ teḛ Betpage mbɔr mbal gə́ ria lə Koiyoje ndá Jeju ɔr njékwakiláje joo ula dee pana:

Matiyo 8:15

Jeju wa jia ndá léegəneeya rɔko̰ lé ḭ dəa’g kə̰geŋ aree uba naŋg ḭ tar unda-kunda nésɔ dee.

Matiyo 9:29

Yen ɓa yeḛ ɔrɔ kəm dee pana: Meekun lə sí ɓa a taa né gə́ seḭ awje ndée lé kar sí ya.

Matiyo 9:36

Loo gə́ yeḛ oo koso-dəwje ndá mée aw taḭ-taḭ mbata yeḛ oo dee asəna gə ŋgan badje gə́ lab ɔr dee ləm, njekul dee kara godo ləm tɔ.

Mark 7:33

Jeju ɔree mbuna boo-dəwje’g neelé njɔl, sa səa rəa rɔ dee’g ndá yeḛ ula ŋgaw jia mbia’g ləm, tɔɓəi ra mán təa ɔrɔ ne ndəa̰ ləm tɔ.

Lugu 18:43

Léegəneeya yeḛ oo loo ndá yeḛ un rəw si njaa goo Jeju’g ləm, yeḛ pidi Ala ləm tɔ. Koso-dəwje lai neelé loo gə́ deḛ d’oo ndá deḛ pidi ne Ala tɔ.

Lugu 22:51

Nɛ Jeju un ta ula dee pana: Ǝwje rɔ sí aarje naŋg! Ndá yeḛ ɔrɔ mbi dəw neelé aree tel to kari.

Lugu 7:13

Loo gə́ Mbaidɔmbaije aa loo oo ko̰ ŋgonje lé ndá mée tɔsee gə no̰ mbigi-mbigi dəa’g aree ulá pana: Ǝw rɔi no̰!

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.