Matiyo 20:31 - Maktub gə́ To gə Kəmee

³¹ Boo-dəwje lé d’ɔm ta dee dɔ dee’g gə mba kar dee d’əw rɔ dee nɛ deḛ d’ila boo-ndu dee naŋg ra ne d’aree al dɔ loo sula, deḛ pana: Mbaidɔmbaije, ŋgon Dabid, oo kəm sí lootondoo’g ya kari.

Matiyo 20:31 ပူးပေါင်းရင်းမြစ်များ

Matiyo 15:23

Jeju teḛ təa ja̰ el. Njékwakiláje rəm pər gə́ rəa’g d’ɔs kudee ɓɔḭ-ɓɔḭ pana: Tubá aree aw, mbata yeḛ uru kii goo sí’g pénéné-pénéné boi.

Matiyo 19:13

Mee kàree’g neelé deḛ ree gə ŋganje gə́ gɔ-gɔ gə́ rəa’g mba karee ila jia dɔ dee’g ra ne tamaji mbata lə dee tɔ nɛ njékwakiláje d’ɔs dee rəw,

Matiyo 20:30

Aa ooje, njékəmtɔje joo gə́ d’isi dɔ ji rəw’g lé loo gə́ d’oo Jeju a gə dəs ndá deḛ naa ndia wəl pana: Mbaidɔmbaije, ŋgon Dabid, oo kəm sí lootondoo’g ya kari.

Matiyo 20:32

Jeju ɔs gɔlee gèŋ aar naŋg ɓar dee dəji dee pana: See ɗi ɓa seḭ ndigije kam m’ra m’ar sí wa.

Matiyo 9:27

Jeju ḭ keneŋ ndá njékəmtɔje joo d’oré gée, deḛ ra né gə ndu dee gə́ boi wəl pana: Ŋgon Dabid, oo kəmtondoo lə sí ya kari.

Lugu 18:39

Deḛ gə́ d’un rəw kédé lé d’ḭ gə njekəmtɔ lé mba karee wa təa, nɛ yeḛ ila boo-ndia naŋg ra né aree al dɔ loo sula pana: Ŋgon Dabid, oo kəm lootondoo’g ya kari.

Njé gə́ Kolosə 4:2

Aije meḛ sí sam-sam dɔ tamaji gə́ seḭ raje lé sije kəmba keneŋ, raje ne Ala oiyo.

1 Njé gə́ Tesalonikə 5:17

raje tamaji ta-ta ləma,