Matiyo 20:30 - Maktub gə́ To gə Kəmee

³⁰ Aa ooje, njékəmtɔje joo gə́ d’isi dɔ ji rəw’g lé loo gə́ d’oo Jeju a gə dəs ndá deḛ naa ndia wəl pana: Mbaidɔmbaije, ŋgon Dabid, oo kəm sí lootondoo’g ya kari.

Matiyo 20:30 ပူးပေါင်းရင်းမြစ်များ

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Esai 29:18

Mee ndəa’g neelé njémbikuduje d’a koo ta Gə́ to mee maktub’g gə mbi dee ləm, Njékəmtɔje gə́ d’oo loo el lé D’a kunda ne loo mee loo gə́ ndul njudu-njudu’g teḛ ləm tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 42:18

Seḭ njémbikuduje, ooje ta! Seḭ njékəmtɔje, aaje loo ooje!

Esai 59:10

Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Matiyo 13:4

Njendɔ aw ndɔ mba kila kər. Loo gə́ yeḛ aar ila kər lé ndá yee gə́ na̰je teḛ pə ɔm kag-rəw’g ar yelje ree keneŋ d’o̰.

Matiyo 15:22

Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.

Matiyo 20:31

Boo-dəwje lé d’ɔm ta dee dɔ dee’g gə mba kar dee d’əw rɔ dee nɛ deḛ d’ila boo-ndu dee naŋg ra ne d’aree al dɔ loo sula, deḛ pana: Mbaidɔmbaije, ŋgon Dabid, oo kəm sí lootondoo’g ya kari.

Matiyo 21:14

Yen ŋga, njékəmtɔje rəm pər gə́ rəa’g mee kəi-Ala’g ndá yeḛ aji dee.

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

Matiyo 22:42

See yeḛ lé to gə́ ŋgon nawa. Deḛ tel d’ilá keneŋ pana: Yeḛ to ŋgon Dabid ya.

Mark 10:46

Deḛ teḛ Jeriko. Loo gə́ Jeju unda loo mee ɓee gə́ Jeriko teḛ gə njékwakiláje gə boo-dəwje gə́ bula lam gə́ d’ɔm na̰ gée’g na̰’d lé ndá njekəmtɔ gə́ to ŋgolə Time gə́ ria lə Bartime lé si naŋg mbɔr rəbə sí kwɔi dəwje né gə kəmndoo.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Lugu 7:21

Mee kàree’g neelé Jeju aji njérɔko̰je keneŋ bula ləm, gə yɔ-dəwje ləm, gə deḛ gə́ ndilje gə́ yèr ra dee ləma, yeḛ ar njékəmtɔje bula kara d’oo loo ləm tɔ.

Néra Njékaḭkulaje 2:30

Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.