Matiyo 20:21 - Maktub gə́ To gə Kəmee

²¹ Jeju tel dəjee pana: See ɗi ɓa i ndigi wa. Dené lé ndigi təa’g pana: Aa oo, ŋganmje gə́ joo neelé nja ɓa ma m’ndigi kari ar yeḛ gə́ kára si dɔ jikɔli’g ləm, kára si dɔ jigeli’g ləm tɔ mee ɓeeko̰’g ləi gə́ dara lé.

Matiyo 20:21 ပူးပေါင်းရင်းမြစ်များ

1 Mbaije 2:19

Bat-Seba aw rɔ mbai Salomo̰’g mba kulá ta gə́ wɔji dɔ Adonija lé. Mbai lé ḭta aw tila kəmee, yeḛ unda barmba nea̰’g ɓa tel si dɔ kalimbai’g ləa ɓəi. D’unda kag-si kára d’ar ko̰ mbaije lé si ne dɔ jikɔlee’g tɔ.

1 Mbaije 3:5

Loo gə́ Gabao̰ lé Njesigənea̰ teḛ dɔ Salomo̰’g gə ni loondul’g ndá yeḛ ulá pana: Maji kari dəjim né gə́ i ndigi mba kam m’ari ya.

Este 5:3

Mbai lé dəjee pana: Este, see ɗi ɓa i ndigi wa, əsé see ɗi ɓa i dəji wa. Ɓó lé to gə́ dəb ɓeeko̰ kara m’a kari ya.

Pakɔsje 110:1

Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

Pakɔsje 45:9

Ubu gə́ rəd gə timbá, gə ko̰-nduja, gə bel-derba lé baḭ dee ə̰də kubuje’g ləi sululu, Mee kəi-mbai gə́ ra gə ŋgaŋ kər lé Nékimje gə́ ra gə kúla lé d’ar rɔi leli ne.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Matiyo 18:1

Mee kàree’g neelé njékwakila Jejuje rəm wɔr gə́ rəa’g dəjee pana: See na̰ ɓa a to njekur dɔ maree’g mee ɓeeko̰ gə́ dara wa.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

Matiyo 20:32

Jeju ɔs gɔlee gèŋ aar naŋg ɓar dee dəji dee pana: See ɗi ɓa seḭ ndigije kam m’ra m’ar sí wa.

Mark 10:51

Jeju un ta dəjee pana: See ɗi ɓa i ndigi karm m’ra m’ari wa. Njekəmtɔ lé tel ndigi təa’g pana: Mbai, m’ndiŋga rɔm gə mba tel koo loo ya.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Mark 6:22

Ŋgon Herodias gə́ ma̰də lé ur dɔ dee’g mee kəi-ra-naḭ’g lé ndá yeḛ là aree taa kəm Herɔdə ləm, gə kəm njéboanésɔje ləa ləm tɔ. Mbai lé ula ŋgoma̰də lé pana: Lé riri ɓa lé i a kwɔim ndá kara m’a kari née ya.

Lugu 18:41

ndá Jeju dəjee pana: See ɗi ɓa i ndigi karm m’ra m’ari wa. Njekəmtɔ lé ndigi təa’g pana: Mbaidɔmbaije, m’ndiŋga rɔm gə mba koo loo ya.

Lugu 19:11

D’isi d’oo taje neelé ndá Jeju ila gosota gə́ raŋg keneŋ tɔɓəi mbata yeḛ si mbɔr Jerusalem’g dəb, nɛ deḛ la̰ji ta meḛ dee’g pana: Ɓeeko̰ lə Ala lé a teḛ wai ŋga.

Lugu 22:24

Tamaḭ oso bib mbuna njékaḭkulaje’g ar dee pana: See na̰ ɓa a to dəw gə́ njekur dɔ mareeje’g mbuna neḛje’g wa.

Tagə́maji gə́ Ja̰ ndang 15:7

Ɓó lé seḭ namje kaarm’g ləm, ar ta ləm nai meḛ sí’g ləm tɔ ndá né gə́ rara ɓa gə́ seḭ a kwɔije lé d’a kar sí ya.

Néra Njékaḭkulaje 1:6

Yen ŋga njékaḭkulaje mbo̰ na̰ rəa’g dəjee pana: Mbaidɔmbaije, see ndəa neelé nja ɓa i a kar ɓeeko̰ lə Israɛl lé tel to lée’g gogo wa.

Njé gə́ Rɔmə 12:10

Undaje na̰ dan kəm na̰’d dana gəd-gəd ləm, ulaje rɔ sí ndubu gə mba kila riɓar dɔ na̰’g ləm tɔ.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Njé gə́ Kolosə 3:1

Bèe ndá ɓó lé seḭ undaje loo teḛje dan njé gə́ d’wəi’g gə Kristi na̰’d ndá saŋgje néje gə́ wɔji dɔ ɓee gə́ tar loo gə́ Kristi sí keneŋ dɔ jikɔl Ala’g lé.