Matiyo 20:19 - Maktub gə́ To gə Kəmee

¹⁹ ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 20:19 ပူးပေါင်းရင်းမြစ်များ

Maktub gə́ wɔji dɔ Jɔb 30:8

Deḛ to gə́ mbə-dəwje gə́ d’ə̰ji dee bəḭ-bəḭ Ndá deḛ tuba dee mee ɓee’g.

Pakɔsje 35:16

Deḛ d’usɔ ŋgaŋ dee dɔm’g tar pəgərə-pəgərə Gə njéhulaije gə́ to njékula sul dɔ loo’gje lé na̰’d.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 17:23

d’a tɔlee nɛ ndɔ munda ndá yeḛ a kunda loo teḛ. Meeko̰ lə dee al ne dɔ loo sula ya.

Matiyo 27:26

Yen ŋga Pilatə ɔr Barabas ar dee ndá yeḛ ar dee d’unda Jeju gə ndəi-kɔb sab-sab, wá ulá ji dee’g mba kar dee ɗaree kaar kag’d.

Matiyo 27:63

Deḛ d’ulá pana: Mbai, ta lə njesu kəm dəwje neelé to meḛ sí’g gu ɓəi mbata loo gə́ yeḛ si gə kəmee ɓəi lé yeḛ pana: ndɔ gə́ njekɔm’g munda lə neḛ ndá neḛ n’a kunda loo teḛ.

Mark 14:65

Njé gə́ na̰je d’un kudu tibi yiro kəmee’g ləm, deḛ ndèm kəmee gə kubu tɔsee gə ji dee dul-dul ləm tɔ pana: Gər yeḛ gə́ njekundai ar sí j’oo səi. Njéŋgəmlooje gə́ d’aa dəa lé kara kunda kwɔjee ka-ka tɔ.

Mark 15:1

Teḛ gə ndɔ rad, mbai dɔ njékinjanéməsje-je d’wa dɔ na̰ gə njé gə́ tɔgje ləm, gə njéndaji-maktubje ləma, gə njégaŋ-rəwtaje lə Jibje ləm tɔ mba kwɔji loo né gə́ d’a gə ra. Yen ŋga deḛ d’uba Jeju gə kúla njim-njim ndɔree d’aw d’ulá ji Pilatə’g.

Mark 15:15

Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Lugu 18:32

D’a kulá ji njépole-magəje’g ləm, d’a kula sul dəa’g ləm, d’a kundá ləma, d’a tibi yiro kəmee’g ləm tɔ.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 21:11

Yeḛ ree rɔ sí’g ndá un ndar lə Pool tɔ ne gɔlee gə jia-yeḛ ya ɓa tel pana: Aa ooje, ta gə́ Ndilmeenda riba dəa lé ɓa nee: Dəw gə́ njendar neelé Jibje d’a teá ne togə́bè Jerusalem’g ɓó gə kulá ne ji njépole-magəje’g ya.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya