Matiyo 2:6 - Maktub gə́ To gə Kəmee

⁶ I Betlehem dɔ naŋg lə Juda lé Ɓee-booje gə́ to ɓeeko̰ gə́ Juda lé d’ur dɔi’g el, Mbata mbai gə́ a kul dəwje ləm gə Israɛl lé a kḭ keneŋ.

Matiyo 2:6 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

1 Sôrta Gḭka-Israɛlje 2:51

gə Salma, gə́ to bɔ Betlehemje, gə Harep gə́ to bɔ Bet-Gaderje.

1 Sôrta Gḭka-Israɛlje 5:2

Mbata tɔgərɔ ya, Juda lé to njesiŋgamoŋ gə́ ur dɔ ŋgakea̰je’g lai ya tɔɓəi ginee-yeḛ ɓa mbai gə́ boi lé ḭ keneŋ tɔ, nɛ né gə́ wɔji dɔ ŋgondər ndá Jisəb ɓa d’aree tɔ.

Esdras 2:21

diŋgamje gə́ ɓee gə́ Betlehem d’as tɔl gə dɔ dee rɔ-joo-giree-munda (123),

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Bula lə Israɛlje 24:19

Yeḛ gə́ ḭ rɔ Jakob’g lé o̰ ɓee si ne gə́ mbai ləm, Yeḛ tuji ges dəwje gə́ nai mee ɓee-booje’g lə dee pugudu-pugudu ləm tɔ.

Matiyo 2:1

Jeju lé d’ojee mee ɓee gə́ Betlehem loo gə́ mbai Herɔdə to ne njeko̰ɓee gə́ Jude lé. Aa ooje bao-gosɔnégərje d’ḭ bər ree Jerusalem.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Tagə́maji gə́ Ja̰ ndang 21:16

Jeju tel dəjee gɔl joo pana: Simo̰, ŋgon Junas, see i undam dan kəmi’g ya wa. Piɛrə ndigi təa’g pana: Oiyo, Mbaidɔmbaije, i gər gao ma lé m’ndigii ya. Jeju tel ilá keneŋ pana: Bèe ndá maji kari ula badje ləm am.

Tagə́maji gə́ Ja̰ ndang 7:42

Maktub gə́ to gə kəmee lé see pana: Kristi lé a kḭ ginka’g lə Dabid’g ləm, gə ŋgon ɓee gə́ Betlehem gə́ to ɓee-si Dabid ləm tɔ lé see pa bèe el wa.

Njé gə́ Epesə 1:22

Yeḛ orè néje lai gə gin gɔlee mès ləm, aree to dəw dɔ Eglisə ləm tɔ.

Njé gə́ Kolosə 1:18

Yeḛ to gə́ dəw dɔ Eglisə, yeḛ to doŋgɔr ləm, yeḛ to dəw gə́ doŋgɔr gə́ unda loo teḛ mbuna njé gə́ d’wəi’g ləm tɔ mba karee to gə́ doŋgɔr lə néje lai-lai.

Ǝbrəje 7:14

Jeḛ n’gər gao, Mbaidɔmbaije lə sí lé ḭ ginkoji Juda’g, ginkoji dəwje neelé Moyis pata lə njekinjanéməs gə́ a kḭ keneŋ ree lé bèe el.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 2:27

Yeḛ a kon dee gə kag-lar to gə́ dəw tɔ ne jo a̰jije pɔs-pɔs bèe to gə́ ma kara Bɔm un ndia am gə mba ra togə́bè ya tɔ.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.