Matiyo 2:23 - Maktub gə́ To gə Kəmee

²³ Yeḛ aw si ɓee gə́ deḛ ɓaree Najaret mba kar ta gə njéteggintaje pa kédé lé aw ne lée’g béréré mbata deḛ pana: Yeḛ neelé d’a ɓaree dəw gə́ Najaret.

Matiyo 2:23 ပူးပေါင်းရင်းမြစ်များ

Bula lə Israɛlje 6:13

Godndu gə́ wɔji dɔ dəw gə́ unda rəa gə kəmee ar Njesigənea̰ lé ɓa nee: Loo gə́ ndɔje gə́ yeḛ wɔji mba kɔr ne rəa kunda gə kəmee lé as lé mba̰ ndá d’a ree səa tarəw kəi-kubu-kiŋga-na̰’g.

Matiyo 1:22

Né neelé teḛ togə́bè mba kar ta lə Mbaidɔmbaije gə́ yeḛ pa gə ndu njetegginta lé aw lée’g béréré ya:

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Matiyo 26:71

Yeḛ ḭ ŋgəs par gə́ tarəwkəi’g. Ŋgonjelookisi gə́ dené gə́ raŋg aa loo ée ndá ula deḛ gə́ d’aar keneŋ lé pana: Dəw neelé aw gə Jeju gə́ Najaret lé na̰’d ya.

Mark 1:24

Jeju gə́ Najaret, see ta lə síjeḛ səi aw na̰’d ra wa. See i ree mba tuji síjeḛ wa. Ma m’gəri gao, i lé to Njemeenda lə Ala ya.

Mark 1:9

Mee ndəa’g neelé Jeju ḭ Najaret gə́ wɔji dɔ ɓeeko̰ gə́ Galile aw rɔ Ja̰’g aree rəa batɛm mán baa gə́ Jurdɛ̰.

Lugu 1:26

Naḭ gə́ njekɔm’g misa̰ lé Ala ula kura ləa gə́ dara gə́ ria lə Gabriel lé mee ɓee gə́ Galile gə́ ria lə Najaret

Lugu 18:37

Deḛ d’ulá pana: Jeju gə́ Najaret ɓa si dəs ya.

Lugu 2:39

Loo gə́ deḛ tɔl ta néje gə́ godndu lə Mbaidɔmbaije wɔji bém mba̰ ndá Jisəb gə Mari tel d’aw Galile mee ɓee lə deḛ gə́ Najaret.

Tagə́maji gə́ Ja̰ ndang 18:5

Deḛ d’ilá keneŋ pana: Jeḛ n’saŋg Jeju gə́ Najaret. Jeju tel ula dee pana: To ma nja m’aar nee. Judas gə́ njekun dəa lé aar sə dee na̰’d tɔ.

Tagə́maji gə́ Ja̰ ndang 18:7

Yeḛ tel dəji dee gɔl kára tɔɓəi pana: See na̰ ɓa seḭ sa̰geeje wa. Deḛ d’ilá keneŋ pana: Jeḛ n’saŋg Jeju gə́ Najaret.

Tagə́maji gə́ Ja̰ ndang 19:19

Pilatə ar dee ndaŋg ta d’unda dɔ kag-dəs’g neelé tar pana: Jeju gə́ Najaret, mbai lə Jibje.

Néra Njékaḭkulaje 2:22

Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Néra Njékaḭkulaje 24:5

Jeḛ j’iŋga dəw neelé gə́ to asəna gə yoo-ndag gə́ oso ɓee’g ləm, yeḛ pələ meḛ Jibje ar dee tḭ ne na̰ gə loo lai-lai ləma, yeḛ to mbai dɔ kudu dəwje gə́ to Najareḛje ləm tɔ.

Njéga̰g-Rəwtaje 13:5

Mbata i a gə taa kèm ndá a koji ŋgon gə́ diŋgam. Nɛ yiŋga a kinja dəa bur el mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya ɓəi, yeḛ neelé a to njekun kudu kɔr Israɛlje ji Pilistije’g kɔm dee tar.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.