Matiyo 2:2 - Maktub gə́ To gə Kəmee

² Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Matiyo 2:2 ပူးပေါင်းရင်းမြစ်များ

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 45:11

Ŋgonəm gə́ dené, maji kari kɔd mbii ila tag oo ne ta nee: Ar məəi wəi dɔ dəwje’g ləi ləm, gə dɔ njémeekəije’g lə bɔbije ləm tɔ.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Bula lə Israɛlje 24:17

Ma m’ée nɛ to gə́ ɓasinè el ɓəi, Ma m’eaa, nɛ aar mbɔrm’g dəb el tɔ. Kérémé ḭ rɔ Jakob’g ləm, Kag-mbai ḭ rɔ Israɛl’g ləm tɔ. Yeḛ kunda ŋgo no̰ njé gə́ Moab tɔ ləm, Yeḛ kunda dɔ ŋgalə Set lai ləm tɔ.

Matiyo 2:3

Loo gə́ mbai Herɔdə oo ta neelé ndá yeḛ ɓəl mée’g, njé gə́ Jerusalem lai kara meḛ dee to kəgəgə tɔ.

Matiyo 21:5

Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

Matiyo 27:11

Jeju aar no̰ njeguburuɓee’g. Njeguburuɓee neelé dəji Jeju pana: See i nja to mbai lə Jibje lé wa. Jeju ilá keneŋ pana: Yee nja pa tai gən mba̰.

Lugu 19:38

Deḛ pana: Maji kar dɔkaisəgərə nai gə mbai gə́ ree gə ri Mbaidɔmbaije. Maji kar meekulɔm nai gə deḛ gə́ d’isi mee dara’g ləm, maji kula rɔnduba dɔ Ala’g ləm tɔ.

Lugu 2:11

Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Lugu 23:3

Pilatə un ta dəji Jeju pana: See i nja to mbai lə Jibje lé wa. Jeju ndigi təa’g pana: Yee nja pa tai gən mba̰.

Lugu 23:38

Deḛ ndaŋg maktub loo gə́ dəa’g tar pana: Yeḛ neelé to gə́ mbai lə Jibje.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 12:13

ndá deḛ ti kam marje ji dee’g d’ɔr ne nea̰. Deḛ ra né u-u-u pana: Hosana! Maji kar dɔkaisəgərə nai gə yeḛ gə́ ree gə ri Mbaidɔmbaije gə́ to mbai dɔ Israɛlje lé.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 19:19

Pilatə ar dee ndaŋg ta d’unda dɔ kag-dəs’g neelé tar pana: Jeju gə́ Najaret, mbai lə Jibje.

Tagə́maji gə́ Ja̰ ndang 20:28

Tomas ilá keneŋ pana: Mbaidɔmbaije ləm! Ala ləm!

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Tagə́maji gə́ Ja̰ ndang 9:38

Njekəmtɔ lé ula Jeju pana: Mbaidɔmbaije, m’ɔm məəm dɔi’g ya. Yen ŋga yeḛ rəm bəbərə oso nea̰’g dəb kəmee naŋg.

Ǝbrəje 1:6

Nɛ loo gə́ yeḛ ar ŋgondəree ree naŋg nee ndá yeḛ pana: Maji kar kuraje lə Ala gə́ dara lai d’wá meḛ dee’g.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.