Matiyo 2:18 - Maktub gə́ To gə Kəmee

¹⁸ Ndu no̰ gə kii ɓar gèr-gèr mee ɓee gə́ Rama, Dəwje no̰ gə mán-no̰ kəm dee’g d’isi ne ndan ndòo-yoo’g. Rasel no̰ no̰ ŋganeeje, Yeḛ ɔs dee-deḛ gə́ d’aw gə mba gɔlee lé rəw Mbata ŋganeeje lé godo mbad-mbad ya.

Matiyo 2:18 ပူးပေါင်းရင်းမြစ်များ

Gḭ-Néje 37:30

tel aw rɔ ŋgakea̰je’g ula dee pana: Ŋgon lé godo. Ŋga ma lé see m’a kaw ra wa.

Gḭ-Néje 42:36

Bɔ deeje gə́ Jakob lé ula dee pana: Seḭ amje lal ŋganəmje! Jisəb godo ləm, Simeo̰ godo ləm tɔ ndá seḭ ndigije taaje Bḛjami kawje səa tɔ. Néje neelé dum dɔm.

Maktub gə́ wɔji dɔ Jɔb 14:10

Nɛ dəw gə́ wəi lé ndá siŋgá godo ŋga. Loo gə́ kəmə lə dəw teḛ mba̰ lé see a kée ra tɔɓəi wa.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Ejekel 2:10

Yeḛ tudu maktub nee nɔm’g ndá ta no̰je, gə ta kim rɔje, gə ta no̰ sii mbigi-mbigije ɓa ndaŋg mée’g tereŋ ləm, gə giree’g tereŋ ləm tɔ.

Matiyo 2:17

Ndəa neelé ta gə́ Jeremi gə́ njetegginta pa lé aw lée’g béréré ya.

Lugu 8:52

Dəwje lai no̰ ra né birim-birim mbata lə ŋgon gə́ wəi lé. Jeju ula dee pana: Ǝwje rɔ sí no̰je, ŋgon lé wəi el, nɛ toɓi ɓa yeḛ to ya.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.