Matiyo 2:11 - Maktub gə́ To gə Kəmee

¹¹ Deḛ d’andə mee kəi’g ndá d’oo ŋgonkas gə kea̰je gə́ Mari lé. Deḛ d’unda barmba dəb kəm dee naŋg nea̰’g. Tɔɓəi deḛ teḛ gə nébaoje lə dee d’wa ne səa noji, d’aree larlɔr ləm, gə no̰ kag gə́ ə̰də sululu ləma, gə timbá ləm tɔ.

Matiyo 2:11 ပူးပေါင်းရင်းမြစ်များ

Gḭ-Néje 43:11

Bɔ deeje gə́ Israɛl lé ula dee pana: Ɓó lé to togə́bè ndá né gə́ kəm ra ɓa to nee: Odoje némajije gə́ d’ur dɔ mareeje’g mee ɓee’g lə sí ɔm deeje mee ɓɔlje’g lə sí awje ne arje dəw neelé gə́ né-lapia ya: Odoje no̰ kag lam ləm, ubu tə̰ji lam ləm, kuma̰ gə́ ə̰də sululu ləm, ubu timbá ləm, pistasje ləma, gə ama̰dəje ləm tɔ.

1 Mbaije 10:10

Yeḛ ar mbai larlɔr as nékwɔji kwɔi-lə-né tɔl-dɔg-loo-munda gə dəa tɔl-mi (3.500) ləm, gə boo-néje gə́ ə̰də sululu ləma, gə jərje gə́ gad dee to yaa̰ ləm tɔ. Néje gə́ ə̰də sululu gə́ d’ḭ ne raŋg ree ne gə́ to asəna gə njé gə́ mbai gə́ dené gə́ Seba ree ne ar mbai Salomo̰ lé godo.

1 Mbaije 10:2

Yeḛ ree Jerusalem gə njédan géeje bula yaa̰ ləm, gə jambalje gə́ d’odo néje gə́ ə̰də sululu gə larlɔr yaa̰ gə jərje gə́ gad dee to yaa̰ ləm tɔ. Yeḛ ree ne rɔ Salomo̰’g ɓa ɔr ne səa sor néje lai gə́ to mée’g tɔ.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 45:8

I lé unda néra gə́ gə meekarabasur dan kəmi’g Nɛ néra gə́ yèr lé i ə̰ji bəḭ-bəḭ, Gelee gə́ nee ɓa, Ala gə́ to Ala ləi lé wa ne dɔi gə ubu gə́ ka̰ rɔlel Undai ne gə kəmee unda kuramarije.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Pakɔsje 72:15

D’a si kəmba karee ne larlɔr gə́ Seba ləm, D’a ra tamaji mbata ləa ta-ta lal kila ta dee naŋg ləma, D’a tɔr ndu dee dəa’g gə ndɔ dee ndɔ dee ya ləm tɔ.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Teḛ-Raga 30:23

Odo néje gə́ ə̰də sululu gə́ maji dum to gə́ mán timbá as nékwɔji kwɔi-lə-né mi ləm, gə gobo gə́ ə̰də sululu as nékwɔji kwɔi-lə-né joo gə gesee ləm, gə mu kwaa gə́ ə̰də sululu as nékwɔji kwɔi-lə-né joo gə gesee ləm,

Teḛ-Raga 30:34

Njesigənea̰ ula Moyis pana: Odo néje gə́ ə̰də sululu, gə́ ri dee lə baḭ-rɔko̰, gə ŋgadko̰ gə́ ə̰də sululu, gə dilo, gə no̰ kag gə́ ə̰də sululu bèe gə́ àr ŋgad-ŋgad tɔ, gə́ kwɔi lə dee asəna kára ba.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Esai 60:6

Koso-jambalje gə́ bula digi-digi lé D’a taa ɓee ləi pəl-pəl Gə jambalje gə́ Madian gə Epa, D’a kḭ Seba ɓa ree, D’a kodo larlɔr gə néje gə́ ə̰də sululu ləm, D’a pidi ne Njesigənea̰ dɔ néreaje’g ləm tɔ.

Ləbije 6:15

Njekinjanéməs gə́ mbuna ŋgalə Aaro̰’d gə́ d’a gə tər ubu dəa’g gə mba karee taa toree lé yeḛ nja kara a ree gə nékar neelé togə́bè ya tɔ. Yee ɓa to godndu gə́ to gə no̰, no̰ Njesigənea̰’g: d’a roo bura ya.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Bula lə Israɛlje 7:14

gə karmbi gə́ ra gə larlɔr gə́ kwɔi ləa as ŋgan nékwɔji kwɔi-lə-né tɔl gə́ né gə́ ə̰də sululu rusu.

Bula lə Israɛlje 7:86

karmbije gə́ ra dee gə larlɔr gə́ né gə́ ə̰də sululu rusu lé d’as dɔg-gir-dee-joo ɓa ar karmbi kára lé kwɔi ləa as ŋgan nékwɔji kwɔi-lə-né tɔl (100) gə goo nékwɔji-né gə́ wɔji dɔ kəi-kubu-si gə́ to gə kəmee dɔi lé ndá larlɔr gə́ ra ne karmbije lai lé kwɔi ləa as ŋgan nékwɔji kwɔi-lə-né tɔl dɔg gə dəa tɔl-joo (1.200).

Matiyo 1:18

Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda.

Matiyo 12:46

Loo gə́ Jeju si ula boo-dəwje ta gə kəmee gə́ kédé-kédé ɓəi ndá kea̰je gə ŋgakea̰je d’aar raga saŋgee mba kwɔji səa ta.

Matiyo 14:33

Deḛ gə́ d’isi mee to’g lé ree d’ɔm gɔl Jeju’g pana: Tɔgərɔ, i lé to Ŋgon-Ala gə́ gəd ya.

Matiyo 2:10

Loo gə́ deḛ d’oo kérèmé neelé ndá rɔ dee lel dee ar dee d’al rɔ dee.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Lugu 2:16

Deḛ d’ɔs rɔ dee ɓad d’ɔm na̰ rəbee d’aw ndá d’iŋga Mari ləm, gə Jisəb ləma, ŋgonkas lé kara to mee bəgərə sɔ né’g lə maŋgje’g ya ləm tɔ.

Lugu 2:38

Kàree neelé yeḛ kara ree iŋga dee keneŋ tɔ ndá yeḛ pidi Ala lé yaa̰ tɔ. Yeḛ pata lə ŋgonkas neelé ar dəwje lai gə́ d’isi kərm ŋgina njetaa dɔ dee gə́ si Jerusalem lé.

Tagə́maji gə́ Ja̰ ndang 19:39

Nikodem gə́ aw rɔ Jeju’g loondul’g kédé lé yeḛ kara ree keneŋ tɔ. Yeḛ ree gə ubu timbá gə ko̰-nduja gə́ podé na̰’d ra ne kuma̰ gə́ ə̰də sululu gə́ kwɔi ləa as nékwɔji kwɔi-lə-né rɔ-munda bèe.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.

1 Samel 10:27

Nɛ lé bèe kara dəwje gə́ njémeeyèrje gə́ d’isi keneŋ pana: Yen gə́ ɗi bèe wa. Dəw gə́ nee ŋga a taa dɔ sí wa! Yee ɓa deḛ d’ə̰jee ne bəḭ-bəḭ ndá d’un né kára kara d’wa ne səa noji el. Nɛ Sawul oo gə́ né el tɔ.