Matiyo 2:1 - Maktub gə́ To gə Kəmee

¹ Jeju lé d’ojee mee ɓee gə́ Betlehem loo gə́ mbai Herɔdə to ne njeko̰ɓee gə́ Jude lé. Aa ooje bao-gosɔnégərje d’ḭ bər ree Jerusalem.

Matiyo 2:1 ပူးပေါင်းရင်းမြစ်များ

Gḭ-Néje 10:30

Deḛ d’isi loo gə́ un kudee Mesa par gə́ Separ saar teḛ ne mbal gə́ to bər.

Gḭ-Néje 25:6

Ŋganje gə́ yeḛ oji dee gə gamla-denéje ləa kara yeḛ ar dee nénojije tɔ. Ndá loo gə́ yeḛ si kəmba ɓəi ndá yeḛ ar dee d’ya̰ ŋgonee Isaak d’aw əw par gə́ kel dɔ naŋg ɓee gə́ Bər lé.

Gḭ-Néje 41:8

Teḛ gə ndɔ rad ndá mee Parao̰ to kəgəgə ndá yeḛ ula kula ɓar njémbeḛje lai gə njékəmkàrje lai gə́ Ejiptə rəa’g. Yeḛ ula dee ta ni ləa. Nɛ dəw kára kara askəm kɔr ginee kar Parao̰ el.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

1 Sôrta Gḭka-Israɛlje 2:51

gə Salma, gə́ to bɔ Betlehemje, gə Harep gə́ to bɔ Bet-Gaderje.

Maktub gə́ wɔji dɔ Jɔb 1:3

Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Matiyo 1:25

Nɛ deḛ gər na̰ el saar yeḛ oji ŋgon gə́ diŋgam ndá yeḛ unda ria lə Jeju.

Matiyo 2:16

Loo gə́ Herɔdə oo to gə́ bao-gosɔnégərje d’əree togə́bè ndá mée ḭ səa pu aree ula kula Betlehem gə loo-loo ɓeeko̰’g ləa mba kar dee tɔl ŋganje gə́ kas, deḛ gə́ ra ləb joo-joo ləm, gə deḛ gə́ ra ləb joo-joo el ɓəi ləm tɔ wɔji ne dɔ ndɔ teḛ lə kérèmé gə́ gəd gə́ bao-gosɔnégərje d’ulá lé tɔ.

Matiyo 2:19

Loo gə́ Herɔdə wəi mba̰ ndá né gə́ mḭdi ɓa kura lə Mbaidɔmbaije lé teḛ ne dɔ Jisəb’g mee ɓee gə́ Ejiptə’g ulá ne pana:

Matiyo 2:3

Loo gə́ mbai Herɔdə oo ta neelé ndá yeḛ ɓəl mée’g, njé gə́ Jerusalem lai kara meḛ dee to kəgəgə tɔ.

Matiyo 2:5

Deḛ d’ilá keneŋ pana: D’a kojee Betlehem ɓeeko̰ gə́ Jude mbata aa oo ta gə́ njetegginta ndaŋg mee maktub’g, wɔji ne dəa lé pana:

Matiyo 2:7

Yen ŋga Herɔdə ula kula ɓar bao-gosɔnégərje gə goo ŋgəḭ ba, tal sə dee ta, dəji dee mba koo ndəa gə́ kérèmé lé un kudu ndɔḭ dara lé gəd.

Lugu 1:5

Ləb ko̰ɓee lə Herɔdə, yeḛ gə́ to mbai gə́ ɓee gə́ Jude ndá njekinjanéməs ria lə Jakari gə́ si gin njé’g lə Abia’g lé si keneŋ. Dené ləa to ŋgoka Aaro̰ ria lə Elijabed.

Lugu 2:11

Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Lugu 2:15

Loo gə́ kuraje gə́ dara lé d’ya̰ dee tel gə́ dɔ gɔl dee’g dara mba̰ ndá njéŋgəmbadje neelé d’ula ta dee pa gə na̰ ta gə́ yo gə́ nee pana: Ar sí j’awje njal Betlehem j’aw j’ooje né gə́ Mbaidɔmbaije tɔji sí lé j’ooje.

Tagə́maji gə́ Ja̰ ndang 7:42

Maktub gə́ to gə kəmee lé see pana: Kristi lé a kḭ ginka’g lə Dabid’g ləm, gə ŋgon ɓee gə́ Betlehem gə́ to ɓee-si Dabid ləm tɔ lé see pa bèe el wa.

Njéga̰g-Rəwtaje 17:7

Basa kára gə́ to Ləbi si Betlehem gə́ ka̰ Judaje. Yeḛ to gə́ gel bɔ’g lə Juda ndá yeḛ si mee ɓee’g neelé gə́ mbá.