Matiyo 19:9 - Maktub gə́ To gə Kəmee

⁹ Ma nja m’ula sí təsərə, nana ɓa gə́ tuba dené ləa gə́ ta kaiya wa dəa el ɓəi ɓa yá̰ taa dené gə́ raŋg ndá yeḛ ra kaiya.

Matiyo 19:9 ပူးပေါင်းရင်းမြစ်များ

Gḭ-Néje 20:3

Nɛ Ala teḛ dɔ Abimelek’g gə ni loondul’g ulá pana: Aa oo, i a gə kwəi mbata dené gə́ i ɔree lé to dené lə dəw.

2 Sôrta Gḭka Israɛlje 21:11

Joram ra dɔ looje gə́ ndəw dɔ mbalje gə́ Juda, ndá yeḛ ɔs ne dəwje gə́ Jerusalem ɓɔḭ-ɓɔḭ ar dee ra kaiya d’ɔs ne ta lə Ala rəw ləm, yeḛ su ne kəm Judaje ləm tɔ.

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Jeremi 3:8

Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Ejekel 16:15

Nɛ i ɔm məəi dɔ ma̰də’g ləi ndá riɓar ləi ari ra ne kaiya. I ar njédəstarje lai taa kaiya raije ndá i ya̰ rɔi yag ar dee.

Ejekel 16:29

I ar kaiya raije gə́ i ra gə ɓee gə́ Kana̰ saar teḛ Kalde lé ḭ dɔ maree’d gə́ kédé-kédé nɛ lé bèe kara asi el ya ɓəi.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Matiyo 19:10

Njékwakiláje d’ilá keneŋ pana: Ɓó lé to togə́bè mbuna diŋgam gə dené ləa ndá taa na̰ el ŋga ɓa maji.

Matiyo 19:8

Yeḛ ila dee keneŋ pana: To mbata meendər lə sí gə́ togə́bè ɓa Moyis un ne ndia ar sí tubaje ne denéje lə sí ɓó gelee gə́ un gə́ dɔtar lé to togə́bè el.

Matiyo 5:32

Nɛ ma nja m’ula sí, nana ɓa gə́ mbad dené ləa gə́ to kaiya-dené el ɓəi ndá yeḛ nja ɔdee loo-kaiya’g. Tɔɓəi diŋgam gə́ taa dené gə́ maree mbadee lé kara ta mɔdkaiya wa dəa tɔ.

Lugu 16:18

Nana ɓa gə́ tuba dené ləa gə mba taa dené gə́ raŋg ndá ta mɔdkaiya wa dəa ya. Tɔɓəi nana ɓa gə́ taa dené gə́ ŋgabeeje tubá lé ndá ta mɔdkaiya wa dəa ya tɔ.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

1 Njé gə́ Kɔrḭtə 7:39

Dené gə́ rara ɓa gə́ ŋgabeeje si kəmba ɓəi ndá godndu lé tɔ dee na̰’d nəji ɓəi. Nɛ ɓó lé ŋgabeeje wəi ndá yeḛ aw kari ba gə mba taa ŋgaw to gə́ mée wɔji. Nɛ maji karee ra gə goo torndu Mbaidɔmbaije ɓa.

1 Njé gə́ Kɔrḭtə 7:4

Dené lé to dəw dɔ rəa el nɛ ŋgabeeje ɓa to dəw dəa, diŋgam kara to dəw dɔ rəa el nɛ dené ləa ɓa to dəw dəa tɔ.