Matiyo 19:5 - Maktub gə́ To gə Kəmee

⁵ Gelee gə́ nee ɓa diŋgam a kya̰ bɔbeeje gə kea̰je gə mba kar dee-deḛ gə dené ləa d’ɔm na̰’d sad ndá d’a tel to gə́ darɔ gə́ kára ba tɔ.

Matiyo 19:5 ပူးပေါင်းရင်းမြစ်များ

Gḭ-Néje 34:3

Yeḛ ɔm mée dɔ Dina gə́ ŋgolə Jakob’g lé. Yeḛ unda ŋgoma̰də neelé dan kəmee’g ndá yeḛ ulá ta gə́ kul gə mba gɔl ne mée.

2 Samel 1:26

Ma m’isi dan meeko̰’g mbata ləi-i, Ŋgokɔm Jonatan! I ra néje lai gə́ taa kəm rəgm, Ndigi gə́ i ndigim lé maji dum ləm, Ur dɔ ndigi gə́ ndigi denéje ləm tɔ.

1 Mbaije 11:2

Deḛ to ginkojije gə́ Njesigənea̰ ula Israɛlje kédé pana: Seḭ a taa deeje el ləm, deḛ kara d’a ree rɔ sí’g el ləm tɔ, mbata tɔgərɔ, deḛ d’a tel meḛ sí dɔ magəje’g lə dee. Denéje gə́ dɔ ɓeeje’g neelé ɓa mal dee ndɔr Salomo̰ aree ɔm ne gə ɓeeko̰je neelé na̰’d.

Pakɔsje 45:10

Ŋgalə mbaije gə́ ma̰də lé To gə́ mbuna deḛ gə́ i unda dee dan kəmi’g, Dené lə mbai lé si dɔ jikɔli’g, Ɗɔi rəa gə larlɔr gə́ d’ḭ ne Opir.

Pakɔsje 63:8

Mbata i lé to njelasəm, M’isi ne dan boo-rɔkal’g ndil bagije’g ya tɔ.

Malasi 2:15

See Ala tel dee gə́ darɔ sí gə́ kára ba gə ndil sí gə́ kára ba lé el wa. See mbata ɗi ɓa yeḛ ra bèe wa. To mbata yeḛ saŋg ne ŋgaka síje gə́ Ala un ndia gə mba kar sí lé. Bèe ndá arje ndil sí ndəb jèr keneŋ ɓó gə mba kar dəw kára kara uba dené jia gə́ yeḛ təa gə basee lé yá̰ el.

Matiyo 19:6

Gelee gə́ nee ɓa deḛ to darɔ gə́ kára ba ɓó deḛ to dəwje gə́ ɓəd-ɓəd joo el. Bèe ndá deḛ gə́ Ala tɔ dee na̰’d lé maji kar dəw kára kara kai dee ɓəd-ɓəd el ŋga.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

1 Njé gə́ Kɔrḭtə 6:16

See seḭ gərje el wa, yeḛ gə́ unda rəa na̰’d mbo̰-mbo̰ gə kaiya-dené ndá yeḛ tel to gə́ darɔ gə́ kára ba səa na̰’d tɔ. See seḭ gərje bèe el wa. Mbata deḛ pa mee maktub’g pana: Deḛ joo bɔr d’a tel to darɔ gə́ kára ba.

1 Njé gə́ Kɔrḭtə 7:2

Nɛ maji kar diŋgam gə́ rara kara taa dené gə́ ɔs dəa-yeḛ nja ləm, dené gə́ rara kara taa ŋgaw gə́ ɔs dəa-yeḛ nja ləm tɔ, yen ɓa mɔdkaiya gə́ rara kara seḭ a kundaje ne rɔ sí keneŋ el.

1 Njé gə́ Kɔrḭtə 7:4

Dené lé to dəw dɔ rəa el nɛ ŋgabeeje ɓa to dəw dəa, diŋgam kara to dəw dɔ rəa el nɛ dené ləa ɓa to dəw dəa tɔ.

Njé gə́ Epesə 5:31

Gelee gə́ nee ɓa, diŋgam a kya̰ bɔbeeje gə kea̰je ndá deḛ gə dené ləa d’a kɔm na̰’d yəg kar deḛ joo bɔr d’a tel to ne darɔ gə́ kára ba.

Tel tura Godndu 10:20

Seḭ a ɓəlje Ala lə sí gə́ Njesigənea̰ ləm, seḭ a raje né kaareeje ləm, seḭ a kɔmje səa na̰’d ləma, seḭ a manje rɔ sí gə ria ləm tɔ.

Tel tura Godndu 11:22

Mbata ɓó lé seḭ aaje dɔ godnduje nee gə́ ma m’un m’ar sí lé ləm, ɓó lé seḭ raje née gə mba kunda ne Ala lə sí gə́ Njesigənea̰ dan kəm sí’g gə mba njaa ne dan kila-rəwje’g ləa ləma, gə mba kɔm ne səa na̰’d sad ləm tɔ ndá

Tel tura Godndu 4:4

nɛ seḭ gə́ rḛ́je goo Njesigənea̰ Ala’g lə sí rḛ́-rḛ́ lé seḭ lai síje kəmba ɓogənè ya ɓəi.

1 Samel 18:1

Loo gə́ Dabid tɔl ta gə́ yeḛ wɔji gə Sawul bém ndá léegəneeya Jonatan ɔm mée na̰’d gə Dabid. Jonatan ndigee to gə́ yeḛ ndigi ne darəa-yeḛ bèe.

1 Samel 25:43

Dabid taa Akinoam, dəw gə́ Jisreel lé gə́ déné ləa mba̰ ar deḛ joo bɔr to denéje ləa.