Matiyo 19:4 - Maktub gə́ To gə Kəmee

⁴ Jeju ila dee keneŋ pana: Kédé gə́ dɔtar lé yeḛ gə́ njekunda gel dee unda diŋgam ləm, gə dené ləm tɔ lé see ta neelé seḭ turaje el ɓəi wa.

Matiyo 19:4 ပူးပေါင်းရင်းမြစ်များ

Gḭ-Néje 1:27

Ala unda dəw aree to tana səa, Yeḛ undá aree to tana gə Ala pai-pai ya, Yeḛ unda diŋgam ləm gə dené ləm tɔ.

Gḭ-Néje 2:18

Njesigənea̰ Ala pana: To maji mba kar dəw si gə karee ba el, m’a ra njela səa gə́ a to tana səa bèe k’aree tɔ.

Gḭ-Néje 2:23

Yen ŋga dəw neelé pana: Aa oo, ɓasinè, yeḛ neelé to siŋgarɔm ləm, gə dakasrɔm ləm tɔ lé Ndá d’a ɓaree dené mbata d’ɔree rɔ diŋgam’g ya.

Gḭ-Néje 5:2

Yeḛ unda diŋgam gə dené ləm, yeḛ tɔr ndia dɔ dee’g ləm tɔ ndá yeḛ unda ri dəw dɔ dee’g ɓar dee ne mee ndəa gə́ yeḛ unda dee lé.

2 Sôrta Gḭka Israɛlje 24:3

Jeojoda taa denéje joo ar Joas ndá Joas oji ne ŋganje gə́ diŋgam gə njé gə́ dené tɔ.

Malasi 2:15

See Ala tel dee gə́ darɔ sí gə́ kára ba gə ndil sí gə́ kára ba lé el wa. See mbata ɗi ɓa yeḛ ra bèe wa. To mbata yeḛ saŋg ne ŋgaka síje gə́ Ala un ndia gə mba kar sí lé. Bèe ndá arje ndil sí ndəb jèr keneŋ ɓó gə mba kar dəw kára kara uba dené jia gə́ yeḛ təa gə basee lé yá̰ el.

Matiyo 12:3

Jeju ila dee keneŋ pana: See seḭ turaje ta gə́ to mee maktub gə́ wɔji dɔ Dabid loo gə́ ɓoo tɔlee gə deḛ gə́ d’aw səa lé el wa.

Matiyo 21:42

Yen ɓa Jeju ula dee pana: See ta nee gə́ to mee maktub gə́ to gə kəmee lé seḭ turaje el wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ. Mbaidɔmbaije ɓa ra ar sí. To né gə́ dum kəm sí ya tɔ.

Matiyo 21:6

Njekwakila Jeju-je d’ḭ d’aw ra to gə́ Jeju un ndia ar dee lé.

Matiyo 22:31

Ta gə́ wɔji dɔ teḛ dɔkumbwa’g lə dəwje lé see seḭ turaje ta nee gə́ Ala ula sí mee maktub’g lé el wa. Mbata yeḛ pana:

Mark 12:10

Ta nee gə́ to mee maktub gə́ to gə kəmee lé see seḭ turaje el ɓəi wa. Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd tɔ.

Mark 12:26

Ta gə́ wɔji dɔ deḛ gə́ d’a teḛ dan njé gə́ d’wəi’g lé see seḭ turaje ta gə́ Moyis ndaŋg loo gə́ Ala lé teḛ dəa’g mbɔr ŋgon kag’d lé el wa. Mbata yeḛ ulá pana: Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ.

Mark 2:25

Jeju tel ila dee keneŋ pana: See seḭ turaje maktub sorta néraje lə Dabid ooje el nja ɓəi wa. To ndɔ gə́ Abiatar to ne ŋgɔ-njekinjanéməs lé ndá Dabid gə deḛ gə́ d’aw səa lé lab ɔr dee.

Lugu 10:26

Jeju tel dəjee pana: See ta ɗi ɓa dee ndaŋg mee maktub godndu’g lé wa. See ta ɗi ɓa i tura keneŋ wa.

Lugu 6:3

Jeju ila dee keneŋ pana: Né gə́ ra Dabid gə deḛ gə́ d’aw səa loo gə́ lab ɔr dee neelé see seḭ turaje taree mee maktub’g el wa.