Matiyo 19:29 - Maktub gə́ To gə Kəmee

²⁹ Nana ɓa gə́ ya̰ ŋgakea̰je gə diŋgam əsé njé gə́ dené əsé bɔbeeje əsé kea̰je əsé dené ləa əsé ŋganeeje əsé loo-ndɔ ləa əsé kəije ləa gə mba rim-ma ndá a kiŋga dee gogo dɔ maree’g loo tɔl-tɔl ya ɓəi ləm, kəmə gə́ gə no̰ lé a kwa gə́ nékwanduba ləa ya ləm tɔ.

Matiyo 19:29 ပူးပေါင်းရင်းမြစ်များ

Njekillamber 3:6

Ndɔ saŋg né to keneŋ ləm, ndɔ kar né igi to keneŋ ləm tɔ, ndɔ ŋgəm né to keneŋ ləm, ndɔ kila né kɔrɔ to keneŋ ləm tɔ,

Matiyo 10:22

Dəwje lai d’a koo sí gə kəm dɔbee gə mbata lə rim ya, nɛ yeḛ gə́ a kai mée sam-sam ndá ndəa lé a kaji ne ya.

Matiyo 13:23

Kandə kər gə́ oso dɔ naŋg gə́ maji kó’g lé to asəna gə dəw gə́ oo ta neelé ləm, gə gər ginee ləm tɔ. Dəw neelé nai gə́ kər gə́ andə tɔl əsé rɔ-misa̰ əsé rɔ-munda tɔ.

Matiyo 13:8

Yee gə́ raŋg teḛ pə ɔm dɔ naŋg gə́ maji kó’g ndá andə yaa̰, yee gə́ ná ndá andə tɔl, yee gə́ ná ndá andə rɔ-misa̰, yee gə́ ná ndá andə rɔ-munda tɔ.

Matiyo 16:25

Yeḛ gə́ ndigi kaji rəa ndá yeḛ neelé rəa a kigi yɔm ɓəi nɛ yeḛ gə́ ya̰ rəa yag mbata ləm-ma ndá a lal kiŋga rəa el.

Matiyo 19:16

Yen ŋga dəw kára rəm pər gə́ rɔ Jeju’g dəjee pana: Mbai, see né gə́ maji gə́ ban ɓa m’a ra gə mba si ne gə kəmə gə́ gə no̰ lé wa.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Matiyo 5:11

Seḭje kara loo gə́ d’a ra sə sí néurti ləm, d’a kula kəm sí ndòo ləma, d’a gaŋgtaje gə́ gə ria-ria kɔm ta sí’g ləm tɔ gə mbam-ma lé ndá arje rɔ sí lel sí ya.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Lugu 5:11

Togə́bè loo gə́ deḛ ndɔr toje lé d’unda dee tudu ndá deḛ tal turu raga d’ya̰ néje lə dee bura d’ɔm na̰ gée’g tɔ.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Tagə́maji gə́ Ja̰ ndang 15:19

Ɓó lé seḭ toje gə́ naŋg nee ndá naŋg neelé né kea̰ ɓa a ndigi ya, nɛ seḭ toje gə́ naŋg nee el mbata ma nja ma m’kɔd sí mbuna njé gə́ naŋg nee’g, yee ɓa njé gə́ naŋg nee d’wa sí gə meḛ dee gə mbəa.

Tagə́maji gə́ Ja̰ ndang 4:36

Yeḛ gə́ inja lé iŋga dɔ jia ya ndá yeḛ mbo̰ ka̰dee ɔm gə mba si gə kəməgə́ gə no̰ lé mba kar dəw gə́ njedubu né gə dəw gə́ njekḭja né d’a kal ne rɔ dee na̰’d ya.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.

3 Ja̰ 1:7

Mbata mbá gə́ d’ḭ mba kaw neelé d’aw mbata lə ri Jeju Kristi ɓó d’iŋga né ji njépole-magəje’g el.