Matiyo 19:28 - Maktub gə́ To gə Kəmee

²⁸ Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 19:28 ပူးပေါင်းရင်းမြစ်များ

1 Mbaije 18:31

Yeḛ odo kɔr mbalje dɔg-giree-joo gə goo bula lə ginkoji lə ŋgalə Jakob, yeḛ gə́ Njesigənea̰ ulá pana: Israɛl ɓa to ria lé,

2 Sôrta Gḭka Israɛlje 9:19

néndaji toboḭje gə́ raŋg dɔg-gir-dee-joo to loo-kuba-ɗao-ɗao’d gə́ tar lé misa̰ kelee gə́ kára ləm, gə misa̰ kelee gə́ kára ləm tɔ. Kalimbai neelé ra togə́bè mee ɓeeko̰ gə́ raŋg kára kara el ɓəi.

Esdras 6:17

Nékinjaməsje gə́ d’inja d’unda ne kəi-Ala gə kəmee lé to bɔ maŋgje tɔl (100) kára ləm, bàl badje tɔl joo (200) ləma, ŋgan badje tɔl sɔ (400) ləm tɔ, tɔɓəi nékinjanéməsje gə́ ka̰ kuga dɔ kaiya lə Israɛlje lai lé bàl bya̰je dɔg-giree-joo gə goo bula lə ginkoji Israɛlje.

Teḛ-Raga 15:27

Deḛ teḛ Elim loo gə́ kəm-rəw-manje dɔg-gir-dee-joo to keneŋ ləm, tumburje rɔ-siri to keneŋ ləm tɔ. Deḛ d’isi keneŋ d’wa rɔ dee mbɔr mán’g.

Teḛ-Raga 24:4

Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé.

Teḛ-Raga 28:21

Jərje neelé d’a kas dɔg-gir-dee-joo gə goo ri Israɛlje gə́ diŋgam tɔ, d’a tḭja dee to gə́ tḭja ne nétorjije bèe, jər kára wɔji dɔ gin koji Israɛl kára-kára bèe ya saar as gin dee gə́ dɔg-gir-dee-joo lé.

Esai 65:17

Mbata m’a gə kunda dara gə́ sigi ləm, Gə naŋg gə́ sigi ləm tɔ, Meḛ dəwje a kolé dɔ néje gə́ ləw’d Gə́ dəs lé el ŋga ləm, D’a tel ree dan takə̰ji’g lə dee el ŋga ləm tɔ.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Ləbije 24:5

I a kun nduji gə́ ndá léréré ndá a kila gə́ mbə dɔg-giree-joo, nduji nékwɔji kwɔi-lə-né misa̰ as mbə kára kára tɔ.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 19:27

Yen ŋga Piɛrə un ta dəjee pana: Aa oo, jeḛ lé j’uba néje lə sí lai j’ya̰ j’un rəw gooi’g. See né ka̰ síjeḛ gə́ jeḛ ŋgina lé see a to gə́ ɗi ɓəi wa.

Matiyo 20:21

Jeju tel dəjee pana: See ɗi ɓa i ndigi wa. Dené lé ndigi təa’g pana: Aa oo, ŋganmje gə́ joo neelé nja ɓa ma m’ndigi kari ar yeḛ gə́ kára si dɔ jikɔli’g ləm, kára si dɔ jigeli’g ləm tɔ mee ɓeeko̰’g ləi gə́ dara lé.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

Mark 10:37

Deḛ tel ndigi təa’g pana: Loo gə́ i a si loo-ronduba’g ləi lé ndá ar sí j’isi səi keneŋ tɔ, dəw kára a si dɔ jikɔli’g ləm, dəw kára a sí dɔ jigeli’g ləm tɔ.

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

Jujé 3:12

Ɔrje diŋgamje dɔg-gir-dee-joo mee ginkoji Israɛlje’g ɓasinè, diŋgam kára wɔji ne dɔ ginkoji gə́ kára-kára.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Loo gə́ killa rea kəm Ja̰’g 11:16

Ŋgatɔgje gə́ rɔ-joo-gir-dee-sɔ gə́ d’isi no̰ Ala’g dɔ kalimbaije’g lə dee lé deḛ d’unda barmba dəb kəm dee naŋg d’wa ne Ala meḛ dee’g.

Loo gə́ killa rea kəm Ja̰’g 12:1

Né gə́ to ɓəl kədm-kədm teḛ dara: Kàr dəb dɔ dené’g aree ɔm gɔlee dɔ naḭ’g ləm, ar kéréméje dɔg-gir-dee-joo to dɔgugu kula dəa’g ləm tɔ.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

Loo gə́ killa rea kəm Ja̰’g 21:5

Yeḛ gə́ si kalimbai’g lé pana: Aa ooje, neḛ n’tum gin néje lai sigi. Tɔɓəi yeḛ ulam pana: Maji kam m’ndaŋg ta neelé mee maktub’g mbata ta neelé to kankəmta gə́ to njaŋg.

Loo gə́ killa rea kəm Ja̰’g 22:2

Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 7:4

Ma m’oo bula lə dee gə́ deḛ tɔs né ŋgo no̰ dee’g lé d’aḭ tɔl-dɔg-loo-tɔl gə dɔ dee 44 gə́ to ginkoji Israɛlje lai as bèe: