Matiyo 19:26 - Maktub gə́ To gə Kəmee

²⁶ Jeju aa dee gərərə ula dee pana: Né neelé dəwje ɓa lée a dum dee təs nɛ Ala ɓa yḛ̀ né gə́ njedumee godo.

Matiyo 19:26 ပူးပေါင်းရင်းမြစ်များ

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

1 Mbaije 17:16

Nduji gə́ to mee jo’g lé godo el ləm, gə ubu gə́ to mee ku’g lé kara rəm el ləm tɔ, gə goo ta gə́ Njesigənea̰ pa gə ndu Eli lé ya.

Maktub gə́ wɔji dɔ Jɔb 42:2

Ma m’gər gao, i askəm ra néje lai, Né gə́ i wɔji-kwɔji ra lé né kára kara gə́ njekɔgi lé godo.

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 62:11

Undaje meḛ sí dɔ néraje gə́ kərm-kərm’g el ləm, Undaje meḛ sí yel dɔ né gə́ taa gə buguru’g el ləm tɔ. Loo gə́ nébaoje un kudu kḭ dɔ maree’d gə́ kédé-kédé ndá Undaje meḛ sí yel gə́ dɔ’g el.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 32:27

Aa oo, ma m’to Njesigənea̰, Ala lə dəwje lai, see né kára gə́ njedum-ma to keneŋ gən wa.

Jakari 8:6

Njesigənea̰ gə́ njeboo-néje pa togə́bè pana: Ɓó lé néje neelé to gə́ nékɔb Kəm ges koso-dəwje gə́ nai mee ndəa gən lé See a to gə́ nékɔb kəm neḛ Njesigənea̰’d gə́ njeboo-néje lé to wa.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Matiyo 19:25

Loo gə́ njékwakiláje d’oo ta neelé ndá kaar dee wa dee paḭ ar dee pana: Bèe ŋga see na̰ ɓa askəm kaji wa.

Matiyo 19:27

Yen ŋga Piɛrə un ta dəjee pana: Aa oo, jeḛ lé j’uba néje lə sí lai j’ya̰ j’un rəw gooi’g. See né ka̰ síjeḛ gə́ jeḛ ŋgina lé see a to gə́ ɗi ɓəi wa.

Mark 10:27

Jeju aa kəm dee gərərə ndá ula dee pana: Né gə́ bèe lé dəwje ɓa a dum dee ɓó a dum Ala nda̰ bèe el, mbata Ala lé né kára gə́ njedumee godo.

Lugu 1:37

Mbata Ala lé né kára gə́ njedumee godo.

Lugu 18:27

Jeju ila dee keneŋ pana: Dəwje ɓa loo né dum dee təs ɓó Ala ɓa yḛ̀, né gə́ njedumee godo.

Ǝbrəje 6:6

ɓó lé deḛ neelé mbad d’unda piriŋ d’ila ndá d’a koo loo mba tel kwa ndòo rɔ dee dɔ kaiya’g lə dee el mbata deḛ nja deḛ ɗar Ŋgon-Ala kaar kag’d d’ula ne sul dəa’g tɔ.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.