Matiyo 19:24 - Maktub gə́ To gə Kəmee

²⁴ Ma m’tel m’ula sí ya tɔɓəi, kar bao un gɔlee ila mee ɓeeko̰’g lə Ala pà lé kədərə unda kar jambal andə kəmbolè libiri’g teḛ raga ya.

Matiyo 19:24 ပူးပေါင်းရင်းမြစ်များ

Jeremi 13:23

See dəw gə́ Etiopi askəm tel ndar rəa ɓəd, Esé kàg a tel ndaŋg ləa ɓəd wa. Seḭ gə́ néra gə́ majel ɓa gə́ né gel sí, See seḭ asjekəm tel raje né gə́ maji Gə dɔ rɔ sí wa.

Matiyo 19:25

Loo gə́ njékwakiláje d’oo ta neelé ndá kaar dee wa dee paḭ ar dee pana: Bèe ŋga see na̰ ɓa askəm kaji wa.

Matiyo 19:26

Jeju aa dee gərərə ula dee pana: Né neelé dəwje ɓa lée a dum dee təs nɛ Ala ɓa yḛ̀ né gə́ njedumee godo.

Matiyo 23:24

Seḭ njékɔrno̰ dəwje gə́ toje njékəmtɔje lé seḭ ndəije manje lé nà banelə seḭ a kuruje girmisi, nɛ jambal ya ŋga seḭ uruje gə́ guburee ba magə meḛ sí’g.

Lugu 18:25

Kar jambal andə kəmbolè libiri’g teḛ raga lé lée moŋg el ɓəi, nɛ kar bao ula dəa mee ɓeeko̰’g lə Ala lé lée a to kədərə yaa̰.

Tagə́maji gə́ Ja̰ ndang 3:3

Jeju tel ilá keneŋ pana: Ma m’ulai təsərə, ɓó lé dəw a tel kar dee d’ojee gogo sigi el ndá yeḛ a koo ɓeeko̰ lə Ala lé gə kəmee el.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.