Matiyo 19:23 - Maktub gə́ To gə Kəmee

²³ Yen ŋga Jeju tel ula njékwakiláje pana: Ma m’ula sí təsərə, kar bao un gɔlee ila mee ɓeeko̰ gə́ dara pà lé kədərə ya.

Matiyo 19:23 ပူးပေါင်းရင်းမြစ်များ

Gosota-Kəmkàrje 11:28

Yeḛ gə́ ɔm mée dɔ nébaoje’g ləa ndá A koso, Nɛ njémeekarabasurje lé D’a kidi to gə́ kam gə́ idi bèe.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Matiyo 18:3

ula dee ne pana: Ma m’ula sí təsərə, ɓó lé seḭ ɔsje badm telje el ləm, a kosoje kas asəna gə ŋganje gə́ gɔ el ləm tɔ ndá seḭ a kulaje dɔ sí ɓeeko̰ gə́ dara lé wɔr el.

Matiyo 19:22

Loo gə́ basa lé oo ta neelé ndá yeḛ mi mbidi-mbidi ɔd mbiriŋ aw mbata yeḛ to njenébaoje gə́ dum dɔ loo.

Matiyo 21:31

Ŋga see yeḛ gə́ ra ɓa mbuna dee’g ɓa to njera torndu bɔbeeje lé wa. Deḛ tel ndigi təa’g pana: Yeḛ gə́ dəa ɔs naŋg kédé lé nja. Jeju ila dee keneŋ pana: Ma m’ula sí təsərə, njétaa lar-gədɓeeje ləm, gə kaiya-denéje ləm tɔ lé d’a teḛ ɓeeko̰’g lə Ala lé gə́ ŋgaw ta sí kédé ɗo̰joŋ ya.

Matiyo 5:20

Ma m’ula sí təsərə, ɓó lé meekarabasur lə sí a kunda ka̰ njéndaji-maktubje gə ka̰ Parisiḛje el ndá seḭ a kulaje dɔ sí ɓeeko̰ gə́ dara lé wɔr el.

Mark 10:23

Jeju aa kəm dee njal ɔr ndá ula njékwakiláje pana: Kar baoje d’aw mee ɓeeko̰’g lə Ala lé a to né gə́ lé a kuba mu el!

Lugu 18:24

Jeju aa kəmee gərərə ulá pana: Kar baoje d’aw mee ɓeeko̰’g lə Ala lé to né gə́ a kuba mu el.

Tagə́maji gə́ Ja̰ ndang 3:3

Jeju tel ilá keneŋ pana: Ma m’ulai təsərə, ɓó lé dəw a tel kar dee d’ojee gogo sigi el ndá yeḛ a koo ɓeeko̰ lə Ala lé gə kəmee el.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

1 Njé gə́ Kɔrḭtə 1:26

Ŋgakɔmje, tenje ooje, mbuna sí-seḭ gə́ yeḛ ɓar sí neelé njékəmkàrje gə́ wɔji dɔ kəmkàr lə dəwje lé el ləm, njésiŋgamoŋje kara bula el ləma, dəwje gə́ boo-boo kara bula el ləm tɔ.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.