Matiyo 19:19 - Maktub gə́ To gə Kəmee

¹⁹ i a tədkag bɔbije gə kɔinje ləma, i a kunda mari dan kəmi’g to gə́ i ra ne gə darɔi bèe ləm tɔ.

Matiyo 19:19 ပူးပေါင်းရင်းမြစ်များ

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Matiyo 19:20

Basa neelé tel ilá keneŋ pana: Néje nee lai lé ma m’tɔs kəm dɔ’g bao-bao ya. Yee gə́ ra tɔɓəi ɓa lalm ɓəi wa.

Matiyo 22:39

Aa oo, yeḛ gə́ njekɔm’g joo lé as səa tɔ. I a kunda mari dan kəmi’g to gə́ i ra gə darɔi bèe tɔ.

Matiyo 5:43

Seḭ ooje ta gə́ deḛ pa ləw pana: Seḭ a kundaje marije dan kəm sí’g nɛ njéba̰je lə sí lé seḭ a kwa deeje gə meḛ sí.

Lugu 10:27

Yeḛ tel ilá keneŋ pana: Mbaidɔmbaije, Ala ləi lé i a kundá dan kəmi’g ndigee dɔɓəŋgəri’g ləm, gə ŋgaw məəi bura ləm, gə sḭgarɔi bura ləma, gə takə̰ji ləi bura ləm tɔ, tɔɓəi i a kunda mari dan kəmi’g to gə́ i ra ne gə darɔi bèe tɔ.

Njé gə́ Rɔmə 13:9

Tɔgərɔ ya, godndu gə́ pana: I a ndal mɔdkaiya el ləm, i a tɔl dəw el ləm, i a ɓogo el ləma, i a raje kəmkəḭ el ləm tɔ lé godnduje neelé ləm, gə ges dee gə́ nai ləm tɔ lé deḛ mbo̰ na̰’d loo kára ba pana: I a kunda mari dan kəmi’g to gə́ i ra ne gə rɔi bèe tɔ.

Njé gə́ Galati 5:14

Mbata ta godndu lé deḛ mbo̰ lai d’ɔm gin ta gə́ kára ba’g ya, yee ɓa nee: Seḭ a kundaje mar síje dan kəm sí’g to gə́ seḭ raje gə darɔ sí bèe tɔ.

Tel tura Godndu 5:16

Təd kag bɔbije gə kɔinje to gə́ Ala ləi gə́ Njesigənea̰ un ne ndia ari gə mba kar ndɔje ləi d’ḭ ne dɔ maree’d gə́ kédé-kédé ləm, gə mba kar rɔi leli ne mee ɓee gə́ Ala ləi ari lé ləm tɔ.

Maktub gə́ Jak ula ne ar ngan-Allaje 2:8

Ɓó lé, seḭ raje torndu gə́ maji dum areeje ɔr rɔd gə goo ta gə́ to mee maktub’g pana: Seḭ a kundaje mar síje dan kəm sí’g to gə́ seḭ ra gə rɔ sí bèe lé ndá seḭ raje maji ya.