Matiyo 19:14 - Maktub gə́ To gə Kəmee

¹⁴ Jeju ula dee pana: Ya̰je ŋganje neelé ar deeje ree rɔm’g ɓó ɔg deeje rəw el, mbata ɓeeko̰ gə́ dara lé to mbata lə deḛ gə́ to d’asəna sə dee bèe ya tɔ.

Matiyo 19:14 ပူးပေါင်းရင်းမြစ်များ

Gḭ-Néje 21:4

Abrakam inja tamɔd Isaak gə́ to ŋgonee lé loo gə́ ndəa aḭ jinaijoo to gə́ Ala un ne ndia aree lé tɔ.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 18:3

ula dee ne pana: Ma m’ula sí təsərə, ɓó lé seḭ ɔsje badm telje el ləm, a kosoje kas asəna gə ŋganje gə́ gɔ el ləm tɔ ndá seḭ a kulaje dɔ sí ɓeeko̰ gə́ dara lé wɔr el.

Matiyo 19:15

Yeḛ ila jia dɔ dee’g mba̰ ɓa ɔd aw ɓəi.

Matiyo 5:10

Deḛ gə́ mar deeje d’ula kəm dee ndòo mbata néra dee gə́ to gə dɔ najee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Mark 10:14

Loo gə́ Jeju oo togə́bè ndá yeḛ oso gə oŋg biriŋ, tɔɓəi ula dee pana: Ya̰je rəw arje ŋganje ree rɔm’g ɓó tuba deeje el, mbata ɓeeko̰ lə Ala lé to mba deḛ gə́ to tana sə dee bèe ya.

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

Njéga̰g-Rəwtaje 13:7

Nɛ yeḛ ulam pana: M’a gə taa kèm ndá m’a koji ŋgon gə́ diŋgam, ɓasinè lé m’a kai mán-nduú gə́ mḭ əsé nékai gə́ mḭ el ləm, m’a sɔ né gə́ mina̰ el ləm tɔ mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya saar teḛ ne ndɔ kwəi’g ləa ya.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 1:22

Nɛ An ɓa aw el ndá yeḛ ula ŋgabeeje pana: Loo gə́ ŋgon lé əw mbà ɓa m’a kaw səa kaw kundá gə kəmee kar Njesigənea̰ mba karee nai keneŋ saar gə no̰ ɓəi.

1 Samel 1:24

Loo gə́ yeḛ ɔgee mbà mba̰ ndá yeḛ aw səa gə bɔ maŋgje munda ləm, gə nduji gə́ ndá léréré as nékwɔji kwɔi-lə-né rɔ-munda ləma, gə mán-nduú gə́ mḭ mee ɓɔl-ndar’g kára ləm tɔ. Yeḛ aw səa kəi-si Njesigənea̰’d gə́ to Silo lé. Ŋgon lé nai gɔ ɓəi.

1 Samel 2:18

Samel ra kula no̰ Njesigənea̰’g. Ŋgon neelé ula kubu gə́ ŋgal gə́ d’ṵji gə kúla palégal rəa’g.