Matiyo 18:8 - Maktub gə́ To gə Kəmee

⁸ Ɓó lé jii əsé gɔli ɓa odi loo-kaiya’g kɔrəm ndá inja badə gaŋg unda piriŋ ila kɔ, aw gə jii dum əsé məd-dəw gə́ loo gə́ a si gə kəmə keneŋ lé maji unda kaw gə jii bɔr əsé gɔli bɔr kar dee d’wai d’ilai dan pər gə́ a ko̰ bilim-bilim gə no̰ lé.

Matiyo 18:8 ပူးပေါင်းရင်းမြစ်များ

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Ejekel 18:31

Kaltaje lə sí lai gə́ seḭ raje ne kaiya lé ubaje ya̰je. Maji kar meḛ sí tel to sigi ləm, kar takə̰jije lə sí tel to sigi ləm tɔ. Seḭ gel-bɔje lə Israɛl lé see gelee ban ɓa seḭ ndigi kwəije wa.

Matiyo 17:27

Nɛ gə mba kila dee kag el ndá ɔd aw ta baa-boo’g ila ki ɓa ka̰ji gə́ un ki dɔtar ya ndá wá ndɔree ilá ɗaga, njia̰ təa ndá a kiŋga lar gə́ nda keneŋ kára ndá un ar dee mbata ləm-ma ləm, gə mbata ləi ləm tɔ joo bɔr ya.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

Lugu 14:33

Togə́bè ɓa nana ɓa mbuna sí’g gə́ uba néje ləa lai ya̰ el ndá yeḛ askəm to njekwakilam el tɔ.

Lugu 16:24

Yeḛ ula təa no̰’g wəl pana: Bɔm Abrakam, oo kəmtondoo ləm ya kari ndá ula Lajarə aree ula ŋgaw jia mán’g ree ɔs ndɔm’g aree kul ne bəl lɔm, mbata pər ulam ndubu yaa̰.

Njé gə́ Rɔmə 13:12

Loondul si sané ar ta lookàr nai dəb ŋga. Bèe ndá ar sí n’juraje néraje lə loondul lé rɔ sí’g gə́ gogo, j’ya̰je j’odoje néraje lə lookàr j’ɔmje rɔ sí’g tɔ.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.

Loo gə́ killa rea kəm Ja̰’g 20:15

Nana ɓa gə́ ria godo mee maktub kəmə’g neelé ndá d’ilá dan pər gə́ tad rəg-rəg’d neelé tɔ.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.