Matiyo 18:7 - Maktub gə́ To gə Kəmee

⁷ Némeeko̰ a ra dəwje dɔ naŋg nee mbata némeekɔsgelje lə dee. Lé riri kara némeekɔsgelje lé d’a to ya nɛ meeko̰ a ndər di-di dɔ njekunda ginee’g.

Matiyo 18:7 ပူးပေါင်းရင်းမြစ်များ

Gḭ-Néje 13:7

Njéŋgəm nékulje lə Abram gə njéŋgəm nékulje lə Lɔt lé deḛ kɔl na̰. Tɔɓəi Kana̰je gə Peresje d’isi loo gə́ neelé ɓəi tɔ.

2 Samel 12:14

Nɛ to gə́ né gə́ i ra lé ar njéba̰je lə Njesigənea̰ d’ila ne ndɔl dəa’g ndá ŋgon gə́ yeḛ ojee lé a kwəi tɔ.

Matiyo 16:23

Nɛ Jeju tel ila Piɛrə’g pana: Njekurai, ɔd gə́ gogo. Tapai a gə kilam kag, mbata takə̰ji ləi to ka̰ dəwje ɓó to ka̰ Ala el.

Matiyo 26:24

Ŋgon-dəw lé a kɔd kuru kaw to gə́ deḛ ndaŋg ne taree mee maktub’g d’wɔji ne dəa lé ya. Nɛ meeko̰ a nai dɔ dəw gə́ njekun dɔ Ŋgon-dəw’g lé. Dəw neelé d’ojee el kara maji ya.

Mark 13:7

Loo gə́ seḭ ooje ta rɔ gə́ dəwje rɔ na̰ ləm, gə sor rɔ gə́ d’a kɔr ləm tɔ lé ndá maji kar sí ɓəlje gə mbəa el mbata lé riri kara néje neelé d’a teḛ ya. Nɛ ndɔ gə́ rudu lé nai ya dɔrɔ ɓəi.

Lugu 17:1

Yeḛ ula njékwakiláje pana: Lé riri kara némeekɔsgelje lé d’a ree ya ɓó d’a lal ree el, nɛ meekea̰ a ndər di-di dɔ njékṵda gin dee’g lé ya!

Tagə́maji gə́ Ja̰ ndang 17:12

Loo gə́ ma m’nai sə dee dɔ naŋg nee ɓəi lé ma m’ŋgəm dee gə rii nja. Deḛ gə́ i am dee lé ma m’ŋgəm dee m’ar dəw kára kara ndəm igi el nɛ ŋgon lə njetuji ɓa igi gə mba kar ta gə́ ndaŋg mee maktub gə́ to gə kəmee lé aw ne lée’g béréré ya.

Néra Njékaḭkulaje 1:16

Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

1 Njé gə́ Kɔrḭtə 11:19

Tɔgərɔ ya, si gə́ seḭ sije gə kudu sí kudu sí lé ɓa gə́ kuma̰ koo ne deḛ gə́ to gə́ majikojije gəd-gəd mbuna sí’g.

1 Timote 6:1

Deḛ lai gə́ d’isi ɓee ɓər’g lé maji kar dee tədkag ɓée deeje mba kar dəwje d’oo ne loo kila ne ndɔl dɔ Ala el ləm, gə dɔ ta ndoo’g lə sí el ləm tɔ.

Titə 2:5

mba kar dee məəm rɔ dee ləm, mba kar dee lɔm rɔ dee ləm, mba kar dee ra kəi lə dee bur-bur ləm, mba kar dee to gə́ njémeemajije ləma, gə mba kar dee d’oso kul rɔ ŋgaw deeje’g ləm tɔ. Togə́bè ɓa dəw kára kara a koo loo ɓar ne ta lə Ala el.

Titə 2:8

to kankəmta gə́ loo-maḭyee godo ləm tɔ. Bèe ɓa njeba̰ lə sí a si ne gu mbata yeḛ a koo loo mba kila ta né gə́ yèr kára kara dɔ sí’g el.

Jude 1:4

Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.

1 Samel 2:17

Basaje neelé d’ar ta kaiya gə́ boo wa dɔ dee no̰ Njesigənea̰’g mbata néra dee ar dəwje d’ə̰ji ne nékarje lə Njesigənea̰ gə́ kḛji.