Matiyo 18:31 - Maktub gə́ To gə Kəmee

³¹ Kuramareeje d’oo né gə́ yeḛ ra neelé ndá meeko̰ lə dee al dɔ dee sula, ar dee d’aw ndaji ta néje lai gə́ teḛ neelé d’ar ɓée deeje oo tɔ.

Matiyo 18:31 ပူးပေါင်းရင်းမြစ်များ

Gḭ-Néje 37:2

Aa oo, ta gə́ wɔji dɔ ŋgaka Jakob ɓa to nee: Jisəb lé ra ləb dɔg-giree-siri ndá yeḛ ul koso-nékulje gə ŋgakea̰je na̰’d. Basa neelé nai rɔ ŋgalə Bila’g gə Jilpa’g, deḛ gə́ to gə́ denéje lə bɔbeeje lé. Jisəb lé un tapa gə́ majel lə dee aw ndaji ar bɔbeeje oo.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 119:158

Njékun dɔ mar deeje Gə́ d’aa dɔ ta ləi kər-kər el lé to kḛji kəm’g.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Matiyo 14:9

Mbai lé si yəgədə, rəa gaḭ ges, nɛ rɔkubu ləa gə́ yeḛ ubu kəm njéndamje’g bura lé ɓa aree un ne ndia ar dee d’aree ne dɔ Ja̰ ya.

Matiyo 18:28

Kura ləa neelé loo gə́ yeḛ teḛ ɗaga ndá yeḛ dar baokura ləa kára gə́ ɓaŋg ləa to dəa’g ŋgan lar gə́ ndá tɔl lé bus ndá ubá ndɔree wá kègègè ulá pana: Ugam ɓaŋg ləm gə́ to dɔi’g lé.

Matiyo 18:30

Nɛ yeḛ un kəmee rəw, wá aw səa ilá daŋgai’g saar mba karee uga ɓaŋgee ŋgər-ŋgər.

Matiyo 18:32

Yen ŋga mbai ləa ɓaree aree ree ulá pana: I to kura gə́ yèr. M’ɔr ɓaŋg ləm dɔi’g gə lée ba moŋgoŋgo̰ mbata i ra ndòo rɔm’g ɓa m’ra səi togə́bè.

Mark 3:5

Yen ŋga Jeju aa kəm dee njal ɔr, nɛ mée ḭ səa pu mbata meendər lə dee tɔ ndá yeḛ ula dəw gə́ jia wəi wɔ neelé pana: Ndɔji jii ra̰daŋ.

Lugu 14:21

Kura lé tel ndaji taree lai ar ɓéeje. Yen ŋga mee njekəi lé ḭ səa pu aree ula kura ləa lé pana: Ɔd rad gə tɔgi aw ndaa-looje’g gə mba̰-rəwje gə́ mee ɓee’g, ɓar njéndooje ləm, gə njé gə́ dəb rɔ dee wəi wɔ-wɔ lé ləm, gə njékəmtɔje ləma, gə njémədje ləm tɔ, ree sə dee rɔm’g nee.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana:

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

2 Njé gə́ Kɔrḭtə 11:21

Ta nee ɓa ma m’pa m’ila ne rɔkul dɔ síjeḛ’g ya mbata jeḛ lé nai gə́ njérəmje mbuna sí’g. Nɛ lé bèe kara ɓó lé dəw kára aw gə né gə mba ti rəa dɔ’g ndá ma kara m’aw gə né mba ti ne rɔm dɔ’g tɔ. (Ta neelé m’pa asəna gə dəw gə́ ndilee igee lé tɔ).

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.