Matiyo 18:28 - Maktub gə́ To gə Kəmee

²⁸ Kura ləa neelé loo gə́ yeḛ teḛ ɗaga ndá yeḛ dar baokura ləa kára gə́ ɓaŋg ləa to dəa’g ŋgan lar gə́ ndá tɔl lé bus ndá ubá ndɔree wá kègègè ulá pana: Ugam ɓaŋg ləm gə́ to dɔi’g lé.

Matiyo 18:28 ပူးပေါင်းရင်းမြစ်များ

Nehemi 10:31

Jeḛ j’unje ndu sí mba kar dəwje gə́ ɓee gə́ nee ɓa taa ŋgan síje gə́ dené el ləm, mba taa ŋgan dee-deḛje gə́ dené kara kar ŋgan síjeḛje gə́ ŋgaw el ləm tɔ.

Nehemi 5:7

Ma m’wɔji məəm’g mba ndaŋg dəwje gə́ boo ləm, gə njéko̰ɓeeje ləm tɔ ndá m’dəji dee m’pana: Ta ɗi ɓa togə́bè wa! Seḭ arje ŋgako̰ síje tona sí né ndá seḭ tel taaje manee dɔ’g wa. Bèe ɓa ma mbo̰ koso-dəwje dɔ na̰’d mbata ta neelé.

Gosota-Kəmkàrje 28:3

Dəw gə́ lal né gə́ buguru njéndooje lé To asəna gə ndi gə́ ər gə lel gə́ ar nésɔ lal dəwje.

Esai 58:3

Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Matiyo 18:27

Yen ŋga mbai lə kura neelé mée tɔsee gə no̰ mbigi-mbigi aree ḭ ɔr ne ɓaŋg neelé dəa’g gə́ kɔr, yá̰ aree ɔd aw loo ləa.

Matiyo 18:29

Baokura ləa rəm bəbərə oso naŋg gɔlee’g ra ndòo rəa’g pana: Ar məəi oso lemsé dɔm’g ndá m’a kogai ɓaŋg ləi ya ɓəi.

Matiyo 20:2

Yeḛ wɔji sə dee gə mba kar dee ŋgon larnda kára-kára mbata ndɔje kára-kára ndá deḛ ndigi səa to ɓa yeḛ ula dee ar dee d’aw loo-ndɔ-nduú’g ləa ɓəi.

Mark 14:5

Ɓó lé ndogo gə́ ndogo ndá laree a kaḭ ŋgan larnda tɔl munda jén gə mba kar njéndooje. Meḛ dee ḭ sə dee pu dəa’g ya.

Mark 6:37

Jeju tel ila dee keneŋ pana: Seḭje nja ar deeje nésɔ d’usɔ. Nɛ deḛ tel d’ilá keneŋ pana: See j’a kaw ndogo muru kəm ŋgan lar gə́ ndá tɔl-joo mba kar dee lé see a kas dee ya wa.

Lugu 10:35

Bèlè lookàree yeḛ tɔr lar gə́ ndá joo ar njeŋgəm kəi-mbá lé pana: Taa ɓó gə ŋgəm ne maji am səi, tɔɓəi néje lai gə́ i a tuji dəa’g gə́ al dɔ kama gə́ m’ari neelé ndá ndɔ gə́ m’tel ɓa m’a kari lai ɓəi tɔ.

Lugu 7:41

Jeju pana: Dəw kára lé njéɓaŋje ləa joo, yeḛ gə́ kára lé ɓaŋg ləa to dəa’g lar gə́ ndá tɔl-mi, yeḛ gə́ raŋg lé ɓaŋg ləa to dəa’g rɔ-mi tɔ.

Tagə́maji gə́ Ja̰ ndang 6:7

Pilibə ilá keneŋ pana: Ɓó lé d’a kiŋga muru kəm ŋgan lar tɔl-joo ɓa lé gə mba kai dee mbida-mbida bèe ya kara a na dee tas.

Tel tura Godndu 15:2

Aa ooje, loo kaa dɔ rəw kɔr ɓaŋg dɔ’g lé ɓa nee: Loo gə́ d’a kila mber kɔr ɓaŋg gə́ ka̰ kula ne rɔnduba dɔ Njesigənea̰’g ndá dəw gə́ rara gə́ maree toná né lé a kɔr ɓaŋg neelé dɔ ŋgokea̰’g lé ɓó yeḛ a kɔsee ɓɔḭ-ɓɔḭ karee uga ɓaŋg gə́ to dəa’g lé el.