Matiyo 18:23 - Maktub gə́ To gə Kəmee

²³ Gelee gə́ nee ɓa ɓeeko̰ gə́ dara to asəna gə mbai gə́ ndigi tura goo néje gə́ yeḛ ɔm ji kuraje’g ləa.

Matiyo 18:23 ပူးပေါင်းရင်းမြစ်များ

Matiyo 13:24

Jeju ula dee gosota gə́ raŋg pana: Ɓeeko̰ gə́ dara lé to asəna kára ba gə njekəi gə́ aw dubu né gə́ maji mee ndɔ’g ləa.

Matiyo 13:31

Yeḛ ula dee gosota gə́ raŋg pana: Ɓeeko̰ gə́ dara lé to asəna gə kandə kamnaḭ gə́ ɓaree senebe gə́ dəw dubu mee ndɔ’g ləa.

Matiyo 13:33

Yeḛ ula dee gosota gə́ raŋg ya tɔɓəi pana: Ɓeeko̰ gə́ dara lé to asəna gə né gə́ ar nduji ti gə́ dené ɔm dan nduji as ŋgo munda’g guru ne saar aree ḭ dor-dor.

Matiyo 13:47

Ɓeeko̰ gə́ dara lé to asəna gə bura gə́ d’ɔs ne mán baa-boo d’wa ne ka̰jije gə́ gə ria-ria.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 18:24

Loo gə́ yeḛ un kudu tura goo néje neelé ndá deḛ ree gə kura ləa gə́ kára gə́ ɓaŋg lar ləa to dəa’g ŋgan larlɔr tɔl-dɔg-loo-dɔg.

Matiyo 25:1

Ɓeeko̰ gə́ dara lé to asəna kára ba gə ŋgama̰dje gə́ dɔg gə́ d’odo néndogóje lə dee teḛ d’aw gə mba tila kəm njedené-sigi.

Matiyo 25:14

Asəna kára ba gə diŋgam gə́ aw gə́ mbá’g, yeḛ ɓar kuraje ləa ɔm néje ləa ji dee’g.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Njé gə́ Rɔmə 14:12

Togə́bè ɓa nana kara mbuna sí’g a kaar no̰ Ala’g gə mba kula goo néje gə́ yeḛ ra lé tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.