Matiyo 18:12 - Maktub gə́ To gə Kəmee

¹² Gə́ meḛ sí-seḭ’g banwa. Ɓó lé dəw to njebadje gə́ tɔl nɛ yeḛ gə́ kára ndəm igi lé see a kya̰ deḛ gə́ rɔ-jinaikara-gir-dee-jinaikara dɔ mbal’g mba kaw ndolè yeḛ gə́ ndəm igi lé el wa.

Matiyo 18:12 ပူးပေါင်းရင်းမြစ်များ

1 Mbaije 21:17

Yen ŋga Njesigənea̰ ula Eli, dəw gə́ Tisbe ta nee pana:

Pakɔsje 119:176

Ma lé m’ila tar mbir-mbir Asəna gə badə gə́ ndəm bèe, Maji kari ndolè kura ləi lé ya, Mbata ma lé m’ar məəm wəi dɔ godnduije’g lé el tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Jeremi 50:6

Koso-dəwje ləm tɔ koso-badje lé ndəm d’igi, Njékul deeje d’ar dee ndəm ləm, D’ar dee d’ila rima-rima Mbuna mbalje’g ləm tɔ. Deḛ d’ḭ dɔ mbalje’g d’aw dɔdərlooje’g D’ar meḛ dee wəi sel Dɔ loo-kaar deeje’g.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Ejekel 34:28

D’a to nékunda banrɔ mbuna ginkoji dəwje gə raŋg’g el ŋga ləm, daje gə́ mee wala’g d’a sɔ dee el ŋga ləm tɔ ndá d’a si gə́ majee ɓó dəw kára kara a kɔm ɓəl dɔ dee’g el ŋga.

Ejekel 34:4

Deḛ gə́ siŋga dee godo lé seḭ raje né mba kar dee d’iŋga ne siŋga dee el ləm, seḭ ajije deḛ gə́ d’oso gə rɔko̰ el ləm, deḛ gə́ d’iŋga doo lé seḭ tɔje ta doo lə dee el ləm tɔ, yeḛ gə́ ndəm lé seḭ aw oneeje reeje səa el ləm, yeḛ gə́ igi lé kara seḭ sa̰geeje el ləm tɔ, nɛ seḭ on deeje gə néra sí gə́ kərm-kərm raje ne sə dee né gə́ kədərə tɔ.

Ejekel 34:6

Koso-badje lə neḛ ndəm d’ila rima-rima dɔ mbalje’g lai ləm, gə dɔ dɔdərlooje gə́ ḭ tar’g ləm tɔ, koso-badje lə neḛ sanéna̰ gə dɔ ɓeeje lai dɔ naŋg nee, dəw gə́ mée to dɔ dee’g kára kara godo ləm, dəw gə́ njendolè dee kára kara godo ləm tɔ.

Matiyo 12:11

Yeḛ ila dee keneŋ pana: See na̰ ɓa mbuna sí’g ɓó lé badə ləa kára ba jia’g ɓa oso godə-bwa’g ndɔ-kwa-rɔ’g ndá see a kunee gə mba kilá raga el wa.

Matiyo 18:13

Ma m’ula sí təsərə, loo gə́ iŋgá mba̰ ndá a karee rɔlel yaa̰ unda deḛ gə́ rɔ-jinaikara-gir-dee-jinaikara gə́ d’igi el lé.

Matiyo 21:28

See gə́ meḛ sí-seḭ gə́ banwa. Dəw kára to njenganje gə́ diŋgam joo. Yeḛ ula yeḛ gə́ tɔg pana: Ŋgonəm, ɔd aw ra kula mee ndɔ-nduú’g.

Matiyo 22:42

See yeḛ lé to gə́ ŋgon nawa. Deḛ tel d’ilá keneŋ pana: Yeḛ to ŋgon Dabid ya.

1 Njé gə́ Kɔrḭtə 10:15

Ma m’oo sí gə́ njékəmkàrje ɓa ma m’wɔji ne sə sí taje neelé tɔ. Naaje ta gə́ ma m’pa lé ooje tɔ.

1 Piɛrə 2:25

Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.