Matiyo 18:10 - Maktub gə́ To gə Kəmee

¹⁰ Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 18:10 ပူးပေါင်းရင်းမြစ်များ

2 Samel 14:28

Absalɔm si Jerusalem as ləb joo lal koo kəm mbai ya.

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Este 1:14

Deḛ gə́ d’isi mbɔree’g lé ɓa nee: Karsena, gə Setar, gə Admata, gə Tarsis, gə Merɛs, gə Marsena, gə Memukan, deḛ ɓa to ŋgan-mbaije gə́ siri gə́ Persə gə Médi gə́ d’oo kəm mbai ləm, deḛ d’isi gə́ ŋgaw-ta dee kédé loo ko̰ɓee’g ləm tɔ.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Pakɔsje 17:15

Ma lé mbɔl dɔ meekarabasur ləm lé ɓa M’a koo ne kəmi ya, Loo gə́ m’a teḛ kəm gə ndɔ rad lé ndá Ndili ɓa kəm a kwəi dəa’g sḭ ləm, a tuga ne sib ləm tɔ.

Pakɔsje 34:7

Loo gə́ njenékəmndoo no̰ wəl ndá Njesigənea̰ oo ndia ya Tɔɓəi yeḛ ɔree ne dan néurtije’g ləa lai.

Pakɔsje 91:11

Mbata yeḛ a kun ndia kar kuraje ləa gə́ dara kwɔji ne dɔi Gə mba kar dee tɔs kəm dee dɔi’g loo-kabije’g lai ya.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Matiyo 1:20

Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju.

Matiyo 12:20

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara yeḛ a kunda tɔl el ləm tɔ Saar mba kar ta gə́ to gə dɔ najee a dum ne dɔ loo dɔ naŋg nee ya.

Matiyo 18:14

Togə́bè ɓa Bɔ síje gə́ si dara lé wɔji-kwɔji kar ŋgon kára kara mbuna mareeje’g neelé ndəm igi el tɔ.

Matiyo 18:6

Nɛ nana ɓa gə́ ər ŋgon gə́ gɔ gə́ mbuna mareeje gə́ d’ɔm meḛ dee dɔm’g neelé ilá dan kaiya’g ndá tɔ biri mbal gwɔs debee gə́ neelé kunee kilá ŋgɔrəw-baa’g, maji unda karee si kəmba ya.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Matiyo 2:19

Loo gə́ Herɔdə wəi mba̰ ndá né gə́ mḭdi ɓa kura lə Mbaidɔmbaije lé teḛ ne dɔ Jisəb’g mee ɓee gə́ Ejiptə’g ulá ne pana:

Matiyo 24:31

Yeḛ a kula kuraje ləa gə́ dara kar dee d’im to̰to̰ gə́ a ɓar kɔr loo lɔi-lɔi ndá yeḛ a mbo̰ dəwje ləa gə́ yeḛ unda dee gə kəmee doi bər gə dɔ-gó ləm, dɔkɔl gə dɔgel ləm tɔ mba mbo̰ dee dɔ na̰’d loo kára ba.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 16:22

Njendoo lé wəi ndá kuraje lə Ala gə́ dara ree d’unee d’aw d’unda mbɔr Abrakam’g. Bao lé kara wəi tɔ ndá deḛ dubee tɔ.

Néra Njékaḭkulaje 10:3

Ndɔ kára bèe loo gə́ kàr tel rəa gə mbɔree ndá né rəa gə́ mḭdi aree oo kura lə Ala gə́ dara pai-pai gə́ andə kəi ləa ɓaree pana: Kɔrnəi!

Néra Njékaḭkulaje 12:15

Deḛ d’ulá pana: See kɔr rai wa. Nɛ yeḛ tel ula dee pana: To darəa-yeḛ nja. Nɛ d’ilá keneŋ pana: Bèe ndá to ndilee.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Njé gə́ Rɔmə 14:10

Bèe ŋga, see ban ɓa i gaŋg rəwta dɔ ŋgokɔḭ’g wa. Esé i gə́ nḛ lé tɔ, see ɗi to ɓa i ə̰ji ne ŋgokɔḭ bəḭ-bəḭ gə mbəa wa. Mbata jeḛ kára-kára lai j’a tɔs dɔ na̰ loo-gaŋg-rəwta’g lə Ala ya.

Njé gə́ Rɔmə 14:21

Né gə́ maji kəm ra lé, kɔg rɔi dɔ sɔ da’g ləm, gə dɔ kai mán-nduú’g ləma, gə dɔ né gə́ rara gə́ a kila mari kag karee oso lé ləm tɔ.

Njé gə́ Rɔmə 15:1

Jeḛ gə́ siŋga sí to kɔgərɔ ɓəi lé maji kar sí n’laje gə njémeembɔréje loo rəm’g lə dee ɓó n’saŋgje rɔlel gə́ wɔji dɔ sí gə kar sí el.

1 Njé gə́ Kɔrḭtə 11:22

See kəi lə sí gə mba sɔ né gə kai né keneŋ lé godo wa. Esé see seḭ ndigije kila ndɔl dɔ Eglisə’g lə Ala lé ɓa seḭ ilaje ne rɔkul dɔ dee gə́ lal kiŋga né lé wa. See m’a pa ban kar sí ɓəi wa. See m’a pidi sí gə́ pidi wa. Wah! Né neelé m’a pidi sí dɔ’g el.

1 Njé gə́ Kɔrḭtə 16:11

Maji kar dəw kára kara ə̰jee bəḭ-bəḭ el, daneeje gə meekulɔm gə mba karee tel ree iŋgam mbata m’isi m’ŋginá ləm, ŋgako̰ síje gə́ raŋg kara d’isi ŋginá ya ləm tɔ.

1 Njé gə́ Kɔrḭtə 9:22

M’tel m’to gə́ yɔ-dəw gə deḛ gə́ to gə́ yɔ-dəwje lé gə mba kiŋga ne deḛ gə́ to gə́ yɔ-dəwje lé tɔ. M’tel rɔm gə́ gar dəwje lai m’saŋg ne néje ɓəd-ɓəd ɓó gə mba kaji ne njé gə́ na̰je ya.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 10:10

Mbata njé gə́ na̰je pana: Maktubje ləm lé ta gə́ nuŋga so ɓa to keneŋ, nɛ loo gə́ ma m’aar gə darɔm kəm sí’g ndá ma m’aar asəna gə yɔ-dəw ləm, tapam kara kul kwɔji-kwɔji ləm tɔ.

Njé gə́ Galati 6:1

Ŋgakɔmje, ɓó lé dəw kára oso dan néra gə́ to gə goo rəbee el ndá seḭ gə́ toje ka̰ Ndil lé maji kar sí gɔleeje gə ta gə́ kul yururu ya. Məəi dɔ rɔi’g nà banelə i kara a koso dan nékər’g tɔ.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

Loo gə́ killa rea kəm Ja̰’g 8:2

Ndá ma m’oo kuraje lə Ala gə́ dara siri gə́ d’aar no̰ Ala’g ləm, gə to̰to̰ siri gə́ d’ar dee ləm tɔ.