Matiyo 17:6 - Maktub gə́ To gə Kəmee

⁶ Loo gə́ d’oo ndu dəw gə́ ɓar neelé ndá njékwakiláje d’unda naŋg mburug dəb kəm dee naŋg ɓəl ndəb ne pəd-pəd.

Matiyo 17:6 ပူးပေါင်းရင်းမြစ်များ

1 Sôrta Gḭka-Israɛlje 21:16

Dabid un kəmee oo kura gə́ dara gə́ aar mbuna dara gə naŋg nee’g. Kiambas gə́ yeḛ ɔr sɔlee’g to jia’g ula par gə́ Jerusalem. Yen ŋga Dabid gə ŋgatɔgje d’ula kubu-kwa-ndòo rɔ dee’g d’oso bəbərə dəb ne kəm dee naŋg.

Ejekel 3:23

Ma m’ḭta m’aw mee wəl-loo’g lé ndá aa oo, rɔnduba lə Njesigənea̰ teḛ keneŋ to gə́ m’oo kédé mbɔr baa gə́ Kebar’g lé. Yen ŋga m’oso m’dəb kəm naŋg.

Ejekel 43:3

Némḭdi neelé to asəna gə yee gə́ m’oo loo gə́ Ala ree gə mba tuji ɓee-boo lé, tɔɓəi némḭdije neelé to d’asəna gə njé gə́ m’oo ta baa gə́ Kebar’g tɔ. Bèe ɓa m’oso rəb m’dəb kəm naŋg.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 17:7

Nɛ Jeju ree pər gə́ rɔ dee’g ula dee yəgə-yəgə pana: Ɓəlje el, ḭje ta.

Néra Njékaḭkulaje 22:7

Ma m’guru naŋg rug ndá m’oo ndu ɓar dɔm’g wəl-wəl pana: Sool, Sool, see ban ɓa i ula kəm ndòo bèe wa.

Néra Njékaḭkulaje 26:14

Jeḛ lai n’guru naŋg rug ndá m’oo ndu dəw ɓar gə ta Ǝbrə gə́ ulam pana: Sool, Sool, see ban ɓa i ula kəm ndòo bèe wa. Nékad gə́ d’ɔs ne kudi ɓèsèsè-ɓèsèsè lé ɓó lé gad kudi gə́ gogo ndá a koso rɔi’g pal ya.

2 Piɛrə 1:18

Jeḛ nja j’oo ndu gə́ ḭ dara ɓar loo gə́ jeḛ nai səa dɔ mbal gə́ to gə kəmee lé.

Njéga̰g-Rəwtaje 13:20

Loo gə́ ndo̰ pər ḭ dɔ loo-nékinjaməs’g lé sururu gə́ dara ndá kura lə Njesigənea̰ gə́ dara lé ḭ ne dan ndo̰ pər gə́ teḛ loo-nékinjaməs’g neelé aw. Loo gə́ Manoa gə dené ləa d’oo né neelé ndá deḛ toso bəbərə-bəbərə dəb kəm dee naŋg.

Njéga̰g-Rəwtaje 13:22

Ndá yeḛ ula dené ləa pana: Jeḛ lé j’a gə kwəi mbata jeḛ j’ooje Ala.