Matiyo 17:27 - Maktub gə́ To gə Kəmee

²⁷ Nɛ gə mba kila dee kag el ndá ɔd aw ta baa-boo’g ila ki ɓa ka̰ji gə́ un ki dɔtar ya ndá wá ndɔree ilá ɗaga, njia̰ təa ndá a kiŋga lar gə́ nda keneŋ kára ndá un ar dee mbata ləm-ma ləm, gə mbata ləi ləm tɔ joo bɔr ya.

Matiyo 17:27 ပူးပေါင်းရင်းမြစ်များ

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

1 Mbaije 17:4

I a kai mán neelé ləm, tɔɓəi ma m’un ndum mba kar ga̰-ga̰je ɓa d’a kari nésɔ lée’g neelé ləm tɔ.

Pakɔsje 8:8

Ŋgan badje gə bɔ maŋgje Gə daje gəmee wala’g ləm, Gə yelje gə́ d’aw pə̰ dara’g ləm,

Junas 2:10

Ma lé m’a kinja nékinjanéməsje ləm, M’a kɔs pa rai ne oiyo ləma, M’a tɔl ta ndukunje ləm gə́ m’un m’ari lé bém ya ləm tɔ, Mbata Njesigənea̰ ɓa ajim ya.

Matiyo 17:26

Piɛrə ilá keneŋ pana: Deḛ gə́ to gə́ njékwagirlooje ɓa deḛ taa ji dee’g ya. Jeju ilá keneŋ pana: Bèe ndá ŋgan meḛ deeje lé d’ɔr kəm dee d’ya̰ dee.

Matiyo 18:6

Nɛ nana ɓa gə́ ər ŋgon gə́ gɔ gə́ mbuna mareeje gə́ d’ɔm meḛ dee dɔm’g neelé ilá dan kaiya’g ndá tɔ biri mbal gwɔs debee gə́ neelé kunee kilá ŋgɔrəw-baa’g, maji unda karee si kəmba ya.

Matiyo 18:8

Ɓó lé jii əsé gɔli ɓa odi loo-kaiya’g kɔrəm ndá inja badə gaŋg unda piriŋ ila kɔ, aw gə jii dum əsé məd-dəw gə́ loo gə́ a si gə kəmə keneŋ lé maji unda kaw gə jii bɔr əsé gɔli bɔr kar dee d’wai d’ilai dan pər gə́ a ko̰ bilim-bilim gə no̰ lé.

Matiyo 5:29

Ɓó lé kəmi gə́ dɔkɔl a gə kɔdi loo-kaiya’g ndá ɔs wɔgədɔ ɔr unda piriŋ ilá kɔ mbata kar dəb rɔi tuji kára, maji yaa̰ unda kar dee d’uri gehene’g tuma̰ gə kubururɔi bura.

Matiyo 5:30

Ɓó lé jikɔli a kɔdi loo-kaiya’g ndá inja gaŋg unda piriŋ ila kɔ mbata kar dəb rɔi tuji kára, maji yaa̰ unda kar dee d’uri gehene gə kubururɔi bura.

Mark 9:42

Nɛ nana ɓa gə́ sula ŋgon gə́ nai gɔ mbuna ŋgan mareeje gə́ d’ɔm meḛ dee dɔm’g neelé aree oso dan kaiya’g ndá kun biri mbal tɔ gwɔsee’g kundá ne kilá dan baa-boo-kad’g ɓa a to maji unda karee aw kari ba.

Mark 9:43

Ɓó lé jii to né gə́ ɔsi ilai dan kaiya’g ndá tuga badə gaŋg.

Lugu 17:2

Kun biri mbal tɔ gwɔsee’g kundá ne kilá dan baa-boo’g ɓa to maji unda karee sula ŋgon gə́ nai gɔ mbuna mareeje’g karee oso dan kaiya’g lé tɔ.

Tagə́maji gə́ Ja̰ ndang 6:61

Ta dee gə́ d’ula naŋg njum-njum d’isi d’imee ne lé Jeju gər meḛ dee gao ɓa yeḛ ila dee ne keneŋ pana: See ta neelé ila sí kag wa.

Njé gə́ Rɔmə 14:21

Né gə́ maji kəm ra lé, kɔg rɔi dɔ sɔ da’g ləm, gə dɔ kai mán-nduú’g ləma, gə dɔ né gə́ rara gə́ a kila mari kag karee oso lé ləm tɔ.

1 Njé gə́ Kɔrḭtə 8:13

Gelee gə́ nee ɓa, ɓó lé nésɔ gə́ togə́bè a gə kila ŋgokɔm kag ndá m’a sɔ da gə́ rara kara el ŋga, nà m’a kila ŋgokɔm kag.

1 Njé gə́ Kɔrḭtə 8:9

Bèe ndá undaje kəmkàr dɔ rɔ sí’g nà si gə́ seḭ sije gə dɔrɔ sí ar sí sɔje né to gə́ meḛ sí ndigi lé tel to né gə́ ila ne mar síje gə́ meekun lə dee tɔg el ɓəi lé kag.

2 Njé gə́ Kɔrḭtə 6:3

Jeḛ n’ra né kára kara gə́ mba kila ne dəw kag el gə mba kar ta wa ne dɔ kula ra sí el.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.