Matiyo 17:2 - Maktub gə́ To gə Kəmee

² Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Matiyo 17:2 ပူးပေါင်းရင်းမြစ်များ

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pa gə́ ur dɔ paje 6:10

See na̰ ɓa teḛ to gə́ kàr Gə́ uba kuji’g bèe ləm, Ma̰də to gə́ naḭ bèe ləma, Ndoḭ to gə́ kàr bèe ləm tɔ wa, Gə́ to ɓəl kədm-kədm to gə́ kudu njérɔje Gə́ d’aar gin nékun-baŋgaje’g lə dee bèe wa.

Matiyo 17:1

Ndɔ misa̰ gogo, Jeju ɔr Piɛrə, gə Jak gə Ja̰ gə́ to ŋgokea̰ njɔl sa sə dee rəa aw sə dee dɔ mbal gə́ ŋgal léŋgé-léŋgé’g.

Matiyo 17:3

Tɔɓəi Moyis gə Eli teḛ kəm dee’g wai d’aar d’wɔji səa ta.

Matiyo 28:3

Yeḛ ndɔḭ wər-wər asəna gə ndi gə́ tel ləm, kubu ləa ndá kələw-kələw asəna gə kwɔji ləm tɔ.

Mark 9:3

Kubu ləa tel ndá ndogó jol-jol ɓó njerakubu karee ndá gə́ rara kara dɔ naŋg nee a ra karee ndá oso gée’g godo.

Lugu 9:29

Loo gə́ yeḛ si ra tamaji lé ndá kəmee tel ɓəd ləm, kubu ləa tel ndá ndogó jol-jol ləm tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Loo gə́ killa rea kəm Ja̰’g 10:1

Ma m’oo kura gə́ dara gə́ njesiŋgamoŋ ḭ dara uru naŋg, nɛ ndi il dəb dəa’g rigim, ŋgaoburandi ila gugu dəa ləm, kəmee to asəna gə kàr ləma, gɔlee to asəna gə ndo̰ pər ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.