Matiyo 16:4 - Maktub gə́ To gə Kəmee

⁴ Ginka dəwje gə́ njémeeyèrje gə njémɔdkaiyaje lé dəjim gə mba koo némɔri nɛ ka̰ Junas ɓa d’a koo ɓó d’a koo némɔri gə́ raŋg el. Tɔɓəi yeḛ uba dee ya̰ dee, ɔd aw loo ləa.

Matiyo 16:4 ပူးပေါင်းရင်းမြစ်များ

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Ojee 4:17

Eprayimje lé to njérḛ́ dɔ magə-poleje’g rḛ́-rḛ́, ndá maji kar sí uba deeje ya̰ deeje.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Junas 1:1

Njesigənea̰ ula Junas, ŋgolə Amitai pana:

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Matiyo 16:5

Loo gə́ njékwakiláje teḛ turá mba̰ ndá meḛ dee olé dɔ pil muru gə́ d’ya̰ naŋg lé.

Mark 8:12

Jeju ila mée pugudu ɓa ḭ ila dee keneŋ pana: See ban ɓa ginka dəwje gə́ nee lé dəji loo koo némɔri wa. Ma m’ula sí təsərə, d’a kar ginka dəwje gə́ nee lé d’oo némɔri el.

Mark 8:38

Mbata nana ɓa gə́ ra kəmkul dɔm’g gə dɔ ta’g ləm mbuna ginka dəwje gə́ nee gə́ to njémɔdkaiyaje ləm, gə njékaiyaje ləm tɔ lé ndá Ŋgon-dəw a ra rɔkul dəa’g loo gə́ yeḛ a ree dan rɔnduba’g lə bɔbeeje lé gə kuraje ləa gə́ dara gə́ to njémeendaje lé na̰’d.

Néra Njékaḭkulaje 18:6

Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.