Matiyo 16:21 - Maktub gə́ To gə Kəmee

²¹ Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 16:21 ပူးပေါင်းရင်းမြစ်များ

Nehemi 12:7

gə Salu gə Amok gə Hilkija gə Jedaeja. Deḛ nee ɓa to mbai dɔ njékinjanéməsje-je gə ŋgako̰ deeje mee ndəa’g lə Juje lé.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Matiyo 16:22

Piɛrə ɔr Jeju njɔl aar səa ŋgərəŋ pa səa ta ɔgee dɔ’g pana: Né neelé a teḛ dɔi’g ra wa. Mbaidɔmbaije, maji kar Ala lé ɔgi dɔ’g ya.

Matiyo 16:28

Ma m’ula sí təsərə, njé gə́ na̰je mbuna deḛ gə́ d’isi neelé d’a kwəi el nja ɓəi ɓa d’a koo Ŋgon-dəw ree asəna gə mbai bèe gə kəm dee.

Matiyo 17:12

Nɛ ma nja m’ula sí, Eli lé ree mba̰, nɛ deḛ gəree el ləm, deḛ ra səa né to gə́ meḛ dee ndigi ləm tɔ. Ŋgon-dəw lé nja kara d’a ra səa néurti togə́bè tɔ.

Matiyo 17:9

Loo gə́ deḛ d’ḭ dɔ mbal’g risi d’uru naŋg ndá Jeju un ndia ar dee pana: Né gə́ seḭ ooje lé areeje teḛ ta sí’g ja̰ ar dəw oo el saar kar ndɔ gə́ Ŋgon-dəw a kunda loo yoo teḛ.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Matiyo 26:2

Seḭ gərje gao, nai ndɔ joo ba mba kar dee ra naḭ Pag, ndəa neelé d’a kula Ŋgon-dəw ji dee’g mba kar dee ɗaree kaar kag’d.

Matiyo 26:47

Loo gə́ yeḛ si pa təa’g bèe-bèe ndá Judas gə́ njekɔm dee’g dɔg-gir-dee-joo lé teḛ wai gə boo-dəwje budu-budu gə kiambas gə ɗuguru-kagje ji dee’g kel-kel. Mbai dɔ njékinjanéməsje gə ŋgatɔgje lə dəwje ɓa gə́ njékula deeje lé.

Matiyo 27:12

Nɛ loo gə́ mbai dɔ njékinjanéməsje-je gə ŋgatɔgje səgee lé yeḛ teḛ təa ja̰ ila dee’g el.

Matiyo 27:63

Deḛ d’ulá pana: Mbai, ta lə njesu kəm dəwje neelé to meḛ sí’g gu ɓəi mbata loo gə́ yeḛ si gə kəmee ɓəi lé yeḛ pana: ndɔ gə́ njekɔm’g munda lə neḛ ndá neḛ n’a kunda loo teḛ.

Matiyo 28:6

Yeḛ to loo gə́ nee’g el ŋga, yeḛ unda loo teḛ mba̰, to gə́ yeḛ ula sí kédé lé. Reeje ooje loo-tée.

Mark 8:31

Yen ŋga yeḛ un kudu ndoo dee ta né gə́ a gə teḛ dəa’g neelé pana: Ŋgon-dəw lé lé riri kara néurti a rəa yaa̰ ləm, njé gə́ tɔgje gə mbai dɔ njékinjanéməsje-je gə njéndaji-maktubje d’a kɔsee rəw ndá d’a tɔlee tɔ, nɛ ndɔ munda gogo ndá yeḛ a kunda loo teḛ dan njé gə́ d’wəi’g ya.

Mark 9:12

Yeḛ ila dee keneŋ pana: Eli a ree kédé ya ndá yeḛ a gɔl néje lai kunda dee gə lée-lée. Ŋga see gelee ban ɓa deḛ ndaŋg ta mee maktub’g d’wɔji ne dɔ Ŋgon-dəw pana: Lé riri kara néurti a rəa yaa̰ ləm, d’a kḛjee ne bəḭ-bəḭ ləm tɔ wa.

Lugu 17:25

Nɛ lé riri kara néurti a rəa yaa̰ kédé ləm, ginka dəwje gə́ nee d’a mbadee ləm tɔ.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Lugu 9:31

gə́ teḛ gə rɔnduba lə dee ndá deḛ d’ɔr sor kabee gə́ yeḛ a gə kaw Jerusalem gə mba kɔs bia̰ keneŋ lé.