Matiyo 16:19 - Maktub gə́ To gə Kəmee

¹⁹ M’a kari nékɔr tarəw ɓeeko̰ gə́ dara. Néje lai gə́ i a kɔg dee dɔ’g dɔ naŋg nee ndá a to né gə́ d’ɔg dee dɔ’g dara ya tɔ. Néje lai gə́ i a kun ndui kar dee ra dɔ naŋg nee ndá a to né gə́ d’a kun ndu dee kar dee ra dara tɔ.

Matiyo 16:19 ပူးပေါင်းရင်းမြစ်များ

Esai 22:22

N’a karee nékɔr takəi lə Dabid, Loo gə́ yeḛ ɔr takəi ndá Dəw kára kara a kudu el ləm, Loo gə́ yeḛ udu ndá Dəw kára kara a kɔr el ləm tɔ.

Matiyo 18:18

Ma m’ula sí təsərə, né gə́ rara ɓa gə́ seḭ a tɔje dɔ naŋg nee kara d’a tɔ dara ləm, né gə́ rara ɓa gə́ seḭ a tuduje dɔ naŋg nee ndá kara d’a tudu dara tɔ.

Tagə́maji gə́ Ja̰ ndang 20:23

Njé gə́ rara ɓa gə́ seḭ a kɔrje kaiya dɔ dee’g dɔ naŋg nee ndá ta kaiya lə dee a kwa dɔ dee nda̰ el. Njé gə́ rara ɓa gə́ seḭ a kya̰je ta kaiya lə dee dɔ dee’g ndá kara kaiya lə dee a nai dɔ dee’g tɔ.

Néra Njékaḭkulaje 15:7

Tamaḭ gə́ boo oso mbuna dee’g ar Piɛrə uba naŋg ḭta ula dee pana: Ŋgakɔmje gə́ dəwje, seḭ gərje gao to gə́ kédé gə́ dɔtar lé Ala ɔrm dan sí’g gə mba kar njépole-magəje d’oo tagə́maji tam’g ɓó gə kar dee d’un ne meḛ dee.

2 Njé gə́ Kɔrḭtə 2:10

Bèe ɓa dəw gə́ rara ɓa gə́ seḭ arje meḛ sí oso lemsé dəa’g ndá ma kara m’ar məəm oso lemsé dəa’g ya tɔ. Tɔɓəi dəw gə́ m’ar məəm oso lemsé dəa’g lé ɓó lé m’ar məəm oso lemsé dəa’g kara ma m’ra mbata lə sí-seḭ ɓa no̰ Kristi’g,

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 9:1

Kura gə́ dara gə́ njekɔm’g mi lé im to̰to̰ ndá m’oo kérèmé gə́ ḭ dara oso naŋg. D’aree nékɔr tarəw gə́ wɔji dɔ bwa-wəl gə́ ɔr duu keḭ-keḭ ar suna godo